ການແຂ່ງຂັນເວົ້າພາສາຈີນເພື່ອຄັດເລືອກນັກສຶກສາລາວເຂົ້າຮ່ວມການແຂ່ງຂັນ “ຂົວພາສາຈີນ”ສໍາລັບນັກສຶກສາມະຫາວິທະຍາໄລທົ່ວໂລກຄັ້ງທີ 15 ໂດຍມີສະຖານທູດ ສປ ຈີນປະຈຳ ສປປ ລາວ ເປັນເຈົ້າພາບແລະຄະນະອັກສອນສາດມະຫາວິທະຍາໄລແຫ່ງຊາດລາວແລະສະຖາບັນຂົງຈືທີ່ມະຫາວິທະຍາໄລແຫ່ງຊາດລາວເປັນຝ່າຍຈັດ,ໄດ້ຈັດຂຶ້ນຢູ່ມະຫາວິທະຍາໄລແຫ່ງຊາດລາວໃນຕອນເຊົ້າວັນທີ18ພຶດສະພານີ້ຢ່າງສໍາເລັດຜົນ. ການແຂ່ງຂັນຄັ້ງນີ້ມີຫົວຂໍ້ວ່າ “ຄວາມຝັນເປັນແສງສະຫວ່າງໃນອະນາຄົດ”, ມີນັກນັກສຶກສາທີ່ມາຈາກພາກວິຊາພາສາຈີນແລະສະຖານບັນຂົງຈືທັງໝົດ10 ຄົນໄດ້ເຂົ້າຮ່ວມ.
ການແຂ່ງຂັນໃນຄັ້ງນີ້ໄດປະກອບດ້ວຍສາມພາກສ່ວນຄື:ການເວົ້າພາສາຈີນ, ການຕອບຄຳຖາມຄວາມຮູ້ແລະການສະແດງຄວາມສາມາດ.ນັກສຶກສາທັງຫລາຍໄດ້ສະແດງຄວາມມັກຮັກພາສາຈີນແລະວັດທະນະທໍາຈີນແລະຄວາມປາຖະໜາຫາຈີນ. ຜ່ານການແຂ່ງຂັນຢ່າງຟົດຟື້ນ, ນາງວຽງມະນີຢາງ ນັກສຶກສາມາຈາກພາກວິຊາພາສາຈີນ ຄະນະອັກສອນສາດມະຫາວິທະຍາໄລແຫ່ງຊາດລາວໄດ້ຄອງແຊມແລະຈະຕາງໜ້ານັກສຶກສາລາວເຂົ້າຮ່ວມການແຂ່ງຂັນ “ຂົວພາສາຈີນ”ສໍາລັບນັກສຶກສາມະຫາວິທະຍາໄລທົ່ວໂລກຄັ້ງທີ 15 ທີ່ຈະຈັດຂຶ້ນ ຢູ່ແຂວງຫູນານຂອງຈີນ.
ທ່ານ ຫົງຈ່ຽງ ຫົວໜ້າພະແນກການເມືອງສະຖານທູດຈີນປະຈໍາລາວກ່າວວ່າ, ການແຂ່ງຂັນ”ຂົວພາສາຈີນ”ໄດ້ກາຍເປັນສາຍສໍາພັນທີ່ເຊື່ີອມຕໍ່ວັດທະນະທໍາລະຫວ່າງສອງປະເທດແລະມິດຕະພາບລະຫວ່າງປະຊາຊົນສອງປະເທດ,ຫວັງວ່າຈະມີໄວໜຸ່ມເຍົາວະຊົນລາວຫລາຍກວ່າເກົ່າສາມາດເຂົ້າໃຈປະເທດຈີນແລະວັດທະນະທໍາຈີນ ໂດຍຜ່ານການຮໍ່າຮຽນພາສາຈີນ,ແລະກາຍເປັນຜູ້ປົກປັກຮັກສາ,ຜູ້ສືບທອດແລະຜູ້ສົ່ງເສີມໄມຕີຈິດມິດຕະພາບລະຫວ່າງສອງປະເທດ.ປະກອບສ່ວນເຂົ້າໃນການຊຸກຍູ້ໄມຕີຈິດມິດຕະພາບລະຫວ່າງສອງລັດແລະປະຊາຊົນສອງປະເທດ.
ນັບແຕ່ປີ2006ມາຮອດປະຈຸບັດ,ສະຖານທູດຈີນປະຈໍາລາວແລະມະຫາວິທະຍາໄລແຫ່ງຊາດລາວໄດ້ຮ່ວມກັນຈັດການແຂ່ງຂັນ “ຂົວພາສາຈີນ”ຮອບຄັດເລືອກຢູ່ລາວ 10 ຄັ້ງລາວ,ເຊິ່ງໄດ້ຊຸກຍູ້ການຮ່ວມມືທີ່ມີໄມຕີຈິດໃນຂົງເຂດສຶກສາແລະການແລກປ່ຽນດ້ານວັດທະນະທໍາ
ຂ່າວຈາກ: http://laos.cri.cn/