ພາຍຸໄຊໂຄນ ໂຣອານູ (Roanu) ເຊິ່ງໄດ້ພັດເຂົ້າຊາຍຝັ່ງທະເລຕອນໃຕ້ຂອງບັງກະລາເທດໃນວັນນີ້ 21 ພຶດສະພາ 2016 ໃນເວລາ 12:00ໂມງ ຕາມເວລາບັງກະລາເທດ ແລະ ເວລາ 13:00ໂມງ ຕາມເວລາທ້ອງຖິ່ນບ້ານເຮົາ ດ້ວຍຄວາມໄວຂອງລົມໃກ້ສູນກາງ 88 ກີໂລແມັດຕໍ່ຊົ່ວໂມງ ເຊິ່ງເຮັດໃຫ້ມີຜູ້ເສຍຊີວິດແລ້ວຢ່າງໜ້ອຍ 5 ສົບ 
ປະຊາຊົນປະມານ 60,000 ຄົນ ຖືກອົບພະຍົບໄປຢູ່ສູນພັກພິງຊົ່ວຄາວ ຫຼັງມີຄຳເຕືອນວ່າພາຍຸລູກນີ້ອາດກໍ່ໃຫ້ເກີດຄື້ນພາຍຸຊັດຝັ່ງ (storm surge) ສູງເຖິງ 1.5 ແມັດ ເຊິ່ງຈະເຮັດໃຫ້ໝູ່ບ້ານ ແລະ ແຄມຝັ່ງເມືອງ ຈິດຕະກອງ ຖືກນ້ຳຖ້ວມ
ທາງການບັງກະລາເທດໄດ້ສັ່ງການປິດທ່ານ້ຳ ແລະ ທ່າເຮືອຫຼາຍແຫ່ງ ແລະ ຂໍໃຫ້ຊາວປະມົງງົດນຳເຮືອອອກຈາກຝັ່ງ ຂະນະທີ່ກົມອຸຕຸນິຍົມເຕືອນໃຫ້ປະຊາຊົນທີ່ອາໃສຢູ່ຕາມເຂດພູເຂົາທາງພາກຕະເວັນຕົກສຽງໃຕ້ລະວັງອັນຕະລາຍຈາກແຜ່ນດິນຖະລົ່ມ
ທີ່ມາ: http://www.manager.co.th/