ສຳນັກຂ່າວຕ່າງປະເທດ ລາຍງານໃນວັນທີ 20 ພຶດສະພານີ້ວ່າ ທ່ານ ແມນນີ່ ປາກຽວ ອະດີດນັກມວຍສາກົນ ຊາວຟິລິບປິນ ເຈົ້າຂອງແຊັ້ມໂລກ 8 ລຸ້ນນ້ຳໜັກ ຊຶ່ງໄດ້ອຳລາວົງການ ແລະ ຫັນເຂົ້າສູ່ວົງການການເມືອງ ໄດ້ເຂົ້າພິທີສາບານຕົນ ຮ່ວມກັບຄົນອື່ນໆອີກ 11 ຄົນ ຮັບຕຳແໜ່ງສະມາຊິກ ວຸດທິສະພາ ແຫ່ງ ຟິລິບປິນ ຢ່າງເປັນທາງການແລ້ວ ໃນວັນພະຫັດທີ 19 ພຶດສະພາ 2016 ຜ່ານມານີ້. ໂດຍ ປາກຽວ ໄດ້ກ່າວຫລັງພິທີສາບານຕົນວ່າ ຈະສະໜັບສະໜູນ ໃຫ້ນຳໃຊ້ໂທດປະຫານໃນຟິລິບປິນ ຕາມນະໂຍບາຍຂອງ ທ່ານ ດູເຕີເຕ ປະທານາທິບໍດີຟິລິບປິນຄົນໃໝ່ ເພື່ອແກ້ໄຂບັນຫາອາຊະຍາກຳຮຸນແຮງ ທີ່ເກີດຂຶ້ນຢ່າງແຜ່ຫລາຍພາຍໃນປະເທດ.
ທັງນີ້ ແມນນີ່ ປາກຽວ ໄດ້ຮັບຄວາມນິຍົມຊົມຊອບ ຈາກປະຊາຊົນຊາວຟິລິບປິນ ໃນບັ້ນເລືອກຕັ້ງທີ່ຜ່ານມາ ຊຶ່ງໄດ້ຮັບຄະແນນສຽງສະໜັບສະໜູນ ຫລາຍກວ່າ 16 ລ້ານສຽງ ໃນທົ່ວປະເທດ.
ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!