ຊົມເຊີຍ! ທ່ານ ທອງລຸນ ສີສຸລິດ ນາຍົກລັດຖະມົນຕີແຫ່ງ ສປປ ລາວໄດ້ຖືໂອກາດສຳຄັນເຂົ້າພົບປະ ແລະ ປຶກສາຫາລືແລກປ່ຽນຄວາມຄິດຄວາມເຫັນບັນຫາຕ່າງໆກັບ ທ່ານ ວາລາດີເມຍ ປູຕິນ ປະທານາທິບໍດີແຫ່ງ ສະຫະພັນຣັດໂດຍໃຊ້ພາສາຣັດເຊຍ ແລະ ບໍ່ໃຊ້ລາມແປພາສາຣັດເຊຍ ເຊິ່ງສະແດງໃຫ້ເຫັນເຖິງຄວາມສາມາດ ແລະ ທັກສະອັນແນ່ນອນຂອງ ທ່ານ ນາຍົກ ສປປ ລາວ.
ກອງປະຊຸມສຸດຍອດອາຊຽນ-ຣັດເຊຍຈະໄດ້ດຳເນີນໄປເປັນເວລາ 2 ວັນລະຫວ່າງ 19-20 ພຶດສະພາ 2016 ທີ່ ສະຫະພັນຣັດເຊຍ ເຊິ່ງ ສປປ ລາວໃນນາມເປັນປະທານອາຊຽນ ແລະ ມີບັນດາສະມາຊິກ 10 ປະເທດອາຊຽນລວມທັງລາວເຂົ້າຮ່ວມ. ເຫດການສຳຄັນຄັ້ງນີ້ບໍ່ພຽງເປັນກອງປະຊຸມສຸດຍອດອາຊຽນ ແຕ່ຫາກຍັງເປັນການສະເຫລີມສະຫລອງຄົບຮອບ 20 ປີຂອງການເປັນຄູ່ຮ່ວມການເຈລະຈາອາຊຽນ-ຣັດເຊຍ ເຊິ່ງຈະສືບຕໍ່ເພີ່ມທະວີສາຍພົວພັນການຮ່ວມມືໜັກແໜ້ນລະຫວ່າງອາຊຽນ-ຣັດເຊຍໃນສະຕະວັດທີ 21 ໃນນັ້ນບັນຫາສຳຄັນສອງຝ່າຍລະຫວ່າງອາຊຽນ-ຣັດເຊຍໄດ້ຮ່ວມກັນປຶກສາຫາລື ແລະ ແລກປ່ຽນຄວາມຄິດຄວາມເຫັນຢ່າງກົງໄປກົງມາປະກອບມີຄື: ດ້ານເສດຖະກິດ, ການຄ້າ, ການລົງທຶນ, ການຂົນສົ່ງ, ຕ້ານ ແລະ ສະກັດກັ້ນອາຊະຍາກຳຂ້າມຊາດ-ການກໍ່ການຮ້າຍ ແລະ ອື່ນໆ.
ຮຽບຮຽງໂດຍ: ເກີດຂວັນໃຈ
ຂ່າວຈາກ: ສຳນັກຂ່າວສານປະເທດລາວ