ໃນກອງ​ປະຊຸມ​ຄັ້ງປະຖົມ​ມະ​ລືກ​ຂອງ ​ສະພາ​ປະຊາຊົນ​ນະຄອນ ຫລວງ​ວຽງ​ຈັນຊຸດ​ທີ I ໄດ້​ໄຂ​ຂຶ້ນ​ຢ່າງເປັນທາງການ ແຕ່ວັນ​ທີ 18-20 ພຶດສະພານີ້ ໄດ້​​ເລືອກ​ຕັ້ງ​ເອົາ​ ທ່ານ ດຣ ສິນ​ລະ​ວົງ ຄຸດ​​ໄພທູນ ​ເປັນ​ເຈົ້າຄອງ​ນະຄອນຫລວງວຽງ​ຈັນ ອີກສະໄໝໜຶ່ງ,​ ເລືອກ​ຕັ້ງເອົາ ທ່ານ ດຣ ອາ​ນຸພາບ ຕຸ​ນາ​ລົມ ​ເປັນ​ປະທານ​ສະພາ​ປະຊາຊົນ​ ນະຄອນຫລວງ​ວຽງ​ຈັນ, ທ່ານ ອຸດອນ​ ໄຊມົນຕີ, ທ່ານ​ ນາງ ຄຳ​ຟອງ ພູມ​ວົງ​ໄຊ ​ເປັນ​ຮອງ​ປະທານ ​ແລະ ທ່ານ ພັນໂທ ຈັນທະ​ລາ ອຸດົມສຸກ ​ເປັນ​ກຳມະການ​ປະຈຳ. ນອກຈາກນີ້, ຍັງ​ເລືອກ​ເອົາທ່ານ ພັນເອກ ອິນ​ທະລົງ ​ໄຊ​ຍະ​ບຸດ​ສີ ​ເປັນ​ຫົວໜ້າ​ກອງ​ບັນຊາ​ການ ປກສ ນະຄອນຫລວງ​ວຽງ​ຈັນ, ທ່ານ ພັນເອກ ສີ​ພອນ ຈັນ​ສົມ​ວົງ ​ເປັນ​ຫົວໜ້າ​ກອງ​ບັນຊາ​ການ​ທະຫານ ​ນະຄອນຫລວງ​ວຽງ​ຈັນ, ທ່ານ ຄຳ​ພັນ ມາລາ​ບັນດິດ ​ເປັນ​ຫົວໜ້າ​ພະ​ແນ​ກການ​ເງິນ, ທ່ານ ລາດ​ຊະ​ວົງ ອໍາມະຣະທິທາດາ ​ເປັນ​ຫົວໜ້າ​ພະ​ແນ​ກກວດກາ​ລັດ, ທ່ານ​ ນາງ ລຳ​ພອຍ ສີ​ອັກຄະ​ຈັນ ​ເປັນ​ຫົວໜ້າ​ພະ​ແນ​ກ​ແຮງ​ງານ ​ແລະ ສະຫວັດດີ​ການ-ສັງຄົມ, ທ່ານ ຊົມ​ພູ ​ແກ້ວ​ປັນຍາ ​ເປັນ​ຫົວໜ້າ​ພະ​ແນ​ກສຶກສາ​ທິການ ​ແລະ ກິລາ, ທ່ານ ຊົງ​ເລົາ ຢົງ​ນູ ​ເປັນ​ຫົວໜ້າ​ພະ​ແນ​ກ​ພະລັງງານ ​ແລະ ບໍ່​ແຮ່, ທ່ານ ​ເບີ​ລີ​ນ ​ເພັດ​ຈັນທະ​ລາດ ​ເປັນ​ຫົວໜ້າ​ພະ​ແນ​ກອຸ​ດສາ​ຫະກຳ ​ແລະ ການ​ຄ້າ, ທ່ານ ລີ​ນຄຳ ດວງ​ສະຫວັນ ​ເປັນ​ຫົວໜ້າ​ພະ​ແນ​ກກະສິກຳ ​ແລະ ປ່າ​ໄມ້, ທ່ານ ພູ​ວົງ ວົງ​ຄຳ​ຊາວ ​ເປັນ​ຫົວໜ້າ​ຫ້ອງ​ວ່າການ​ນະຄອນຫລວງ, ທ່ານ ພູ​ຂົງ ບັນ​ນາ​ວົງ ​ເປັນ​ຫົວໜ້າ​ພະ​ແນ​ກ​ແຜນການ ​ແລະ ການ​ລົງທຶນ, ທ່ານ ບຸນ​ໜາ ຜາ​ທຸມມະ​ວົງ ​ເປັນ​ຫົວໜ້າ​ພະ​ແນ​ກພາຍ​ໃນ, ທ່ານ ​ເດດ​ສົງຄາມ ທຳ​ມະ​ວົງ ​ເປັນ​ຫົວໜ້າ​ພະ​ແນ​ກ​ໂຍທາ​ທິການ ​ແລະ ຂົນ​ສົ່ງ, ທ່ານ ຄຳ​ປະດິດ ​ເຂັມ​ມານິດ ​ເປັນ​ຫົວໜ້າ​ພະ​ແນ​ກຖະ​ແຫລ​ງຂ່າວ, ວັດທະນະທຳ ​ແລະ ທ່ອງ​ທ່ຽວ, ທ່ານ ບຸນ​ເພັງ ສີ​ນະ​ວົງ​ພອນ ​ເປັນ​ຫົວໜ້າ​ພະ​ແນ​ກຍຸຕິ​ທຳ, ທ່ານ ພອນ​ປະ​ເສີດ ອຸ​ນາ​ພົມ ​ເປັນ​ຫົວໜ້າ​ພະ​ແນ​ກສາທາລະນະ​ສຸກ, ທ່ານ ບຸນ​ໂຮມ ​ເຮື່ອ​ງສະຫວັດ ​ເປັນ​ຫົວໜ້າ​ພະ​ແນ​ກຊັບພະຍາກອນ​ທຳ​ມະ​ຊາດ ​ແລະ ສິ່ງ​ແວດ​ລ້ອມ, ທ່ານ ດາວ​ເພັດ ອາ​ລຸນ ​ເປັນ​ຫົວໜ້າ​ພະ​ແນ​ກວິທະຍາສາດ ​ແລະ ​ເຕັກ​ໂນ​ໂລ​ຊີ, ທ່ານ ສີ​ຄອນ​ ອ່ອນ​ສີ​ພັນ​ລາ ​ເປັນ​ຫົວໜ້າ​ພະ​ແນ​ກ​ໄປສະນີ, ​ໂທລະ​ຄົມ ​ແລະ ການ​ສື່ສານ, ທ່ານ ດວງ​ຕາ ສຸ​ລິວົງ ​ເປັນ​ຫົວໜ້າ​ພະ​ແນ​ກການ​ຕ່າງປະ​ເທດ ​ແລະ ທ່ານ​ ນາງ ວິ​ໄລ​ວອນ ຈັນທະ​ລາຕີ ​ເປັນ​ຫົວໜ້າ​ຫ້ອງການ​ຄຸ້ມ​ຄອງ ​ແລະ ບໍລິຫານ​ຕົວ​ເມືອງ​ນະຄອນຫລວງ​ວຽງ​ຈັນ.

ທ່ານ​ເຈົ້າຄອງ​ນະຄອນຫລວງ​ວຽງ​ຈັນ ກ່າວ​ວ່າ: ກອງ​ປະຊຸມ​ຄັ້ງປະຖົມ​ມະ​ລືກນີ້​ ໄດ້​ພິຈາລະນາ ​ແລະ ຕົກລົງ​ຫລາຍບັນຫາ​ສຳຄັນ​ພື້ນຖານ​ຂອງ ​ນະຄອນຫລວງ​ວຽງ​ຈັນ, ເພື່ອ​ຈັດຕັ້ງຜັນ​ຂະຫຍາຍ​ເນື້ອ​ໃນ​ຈິດ​ໃຈ​ມະຕິ VI ຂອງ​ອົງຄະ​ນະ​ພັກ​ນະຄອນຫລວງ​ວຽງ​ຈັນ​ ໃຫ້​ເປັນອັນ​ລະອຽດ​ໃນ​ແຕ່ລະ​ຂົງ​ເຂດ​ວຽກ​ງານ ເປັນຕົ້ນ: ພິຈາລະນາ​ຮັບຮອງ​ເອົາ​ວິ​ໄສ​ທັດ​ຮອດ​ປີ 2030, ຍຸດ​ທະ​ສາດ​ຮອດ​ປີ 2025, ​ແຜນ​ພັດທະນາ​ເສດຖະກິດ-ສັງຄົມ ​ແລະ ​ແຜນ​ງົບປະມານ 5 ປີ​ ຄັ້ງທີ VIII ຂອງ​ນະຄອນຫລວງ​ວຽງ​ຈັນ, ພິຈາລະນາຮັບຮອງ​ເອົາ​ແຜນການ 5 ປີ​ຂອງ​ສະພາ​ປະຊາຊົນ​ນະຄອນຫລວງ​ວຽງ​ຈັນ ​ແລະ ພິຈາລະນາ​ຮັບຮອງ​ເອົາ​ນິຕິ​ກຳ​ຂອງ​ ນະຄອນຫລວງ​ວຽງ​ຈັນ.

ແຫລ່ງຂ່າວ:

ຕິດຕາມເລື່ອງດີດີເພຈທ່ຽວເມືອງລາວ Laotrips ກົດໄລຄ໌ເລີຍ!