ສຳນັກຂ່າວບີບີຊີ ລາຍງານໃນວັນທີ 19 ພຶດສະພານີ້ວ່າ ກອງທັບອາກາດຈີນ ໄດ້ສົ່ງເຮືອບິນສູ້ຮົບ 2 ລຳ ບິນຂຶ້ນສະກັດເຮືອບິນລາດຕະເວນທາງທະເລ ຂອງສະຫະລັດອາເມຣິກາ ເໜືອບໍລິເວນເຂດນ່ານຟ້າ ໃນທະເລຈີນໃຕ້ ເມື່ອວັນທີ 17 ພຶດສະພາ 2016 ຜ່ານມານີ້ ທ່າມກາງຄວາມເຄັ່ງຕຶງລະຫວ່າງ ຈີນ ແລະ ສະຫະລັດອາເມຣິກາ ທີ່ກຳລັງເພີ່ມທະວີສູງຂຶ້ນໃນໄລຍະນີ້ ເນື່ອງຈາກສະຫະລັດອາເມຣິກາ ໄດ້ອອກມາເຄື່ອນໄຫວຕຳໜິລັດຖະບານຈີນ ກ່ຽວກັບການເຄື່ອນໄຫວທາງທະຫານ ຢູ່ບໍລິເວນເກາະຂັດແຍ່ງໃນທະເລຈີນໃຕ້, ສ່ວນດ້ານລັດຖະບານຈີນ ກໍໄດ້ອອກມາວິພາກວິຈານ ສະຫະລັດອາເມຮິກາ ທີ່ສົ່ງກຳປັ່ນສູ້ຮົບທາງທະເລ ເຂົ້າມາເຄື່ອນໄຫວຢູ່ນ່ານນ້ຳຂອງຕົນ ຢ່າງຜິດກົດໝາຍ ແລະ ຈັດການເຝິກຊ້ອມສູ້ຮົບ ຢູ່ໃນເຂດອາຊີຫລາຍຄັ້ງ ໃນໄລຍະຜ່ານມາ.
ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!