ວົງການເຈວເບຣກກັບມາອີກຄັ້ງແລ້ວ ເມື່ອມີວີດີໂອອອກມາຈາກເຈົ້າພໍ່ເຈວເບຣກຄົນໜຶ່ງ ລະບຸວ່າສາມາດເຈວເບຣກ iOS 7.1.1 ເທິງ iPhone 5s ທີ່ເປັນຊິບ 64 bit ໄດ້ແລ້ວ ເຊິ່ງຖືວ່າເປັນອຸປະກອນທີ່ເຈວເບຣກຍາກທີ່ສຸດໃນຕອນນີ້ສຳລັບແຮັກເກີ້ເລີຍນັ້ນເອງ ເນື່ອງຈາກວ່າມີ Bootloader ທີ່ຄ່ອນຂ້າງແຂງແຮງ ແລະໜ່ວຍປະມວນຜົນທີ່ຊັບຊ້ອນ
ກ່ອນໜ້ານີ້ i0n1c ໄດ້ທະວີດໃຫ້ເບິ່ງວ່າເຈົ້າໂຕສາມາດເຈວເບຣກ iPhone 5c ທີ່ໃຊ້ງານ iOS 7.1.1 ໄດ້ແລ້ວ ພ້ອມກັບລົງ Cydia ເອົາໄວ້ນຳ ນອກຈາກນີ້ຍັງມີ winocm ທີ່ເຈວເບຣກ iPhone 4 ເອົາໄວ້ນຳ ແນ່ນອນເລີຍວ່າເຕັກນິກນີ້ສາມາດນຳໄປໃຊ້ກັບລຸ້ນໃໝ່ໆໄດ້ ຖ້າຫາກວ່າມີໃຜທີ່ນຳເອົາເຕັກນິກນີ້ໄປປະຍຸກໃຊ້ງານ
ຢ່າງໃດກໍຕາມຄາດວ່າແຮັກເກີ້ຈະບໍ່ອອກໂຕເຈວເບຣກ iOS 7.1.1 ອອກມາ ເພາະວ່າ iOS 8 ໜ້າຈະກຳລັງຈະເປີດໂຕໃນງານ WWDC ທີ່ຈະມາຮອດນີ້ນັ້ນເອງ ແລະກໍຄົງຈະຕ້ອງໄດ້ບອກເອົາໄວ້ເລີຍວ່າການເຈວເບຣກອຸປະກອນ iPod Touch, iPad, iPhone ຈະເຮັດໃຫ້ປະກັນເຄື່ອງນັ້ນຈົບລົງທັນທີ ເນື່ອງຈາກວ່າເປັນການປ່ຽນແປງລະບົບປະຕິບັດການນັ້ນເອງ
ສຳລັບຄົນທີ່ກຳລັງຖ້າຊ໋ອບແວ Jailbreak ໂຕໃໝ່ອອກມາຢູ່ນັ້ນ ຜູ້ຂຽນໝັ້ນໃຈເລີຍວ່າຖ້າ iOS 8 ອອກມາຕອນໃດຕອນນັ້ນແລະຈະມີ Jailbreak ເວີຊັ່ນໃໝ່ອອກມາໃຫ້ໃຊ້ງານກັນ
ທີ່ມາ: Cult of Mac