ຜ່ານການລົງຕິດຕາມ ສະພາບລາຄາສິນຄ້າຢູ່ຕະຫຼາດຫຼາຍແຫ່ງ ໃນນະຄອນຫຼວງວຽງຈັນຄື: ຕະຫຼາດສະພານທອງ, ສະຫວ່າງ ແລະ ຕະຫຼາດຂົວດິນ ໃນວັນທີ 17 ພຶດສະພານີ້, ເຫັນວ່າລາຄາສິນຄ້າບາງປະເພດ ຖີບຕົວສູງຂຶ້ນຫຼາຍເຊັ່ນ: ໝາກເຜັດຈາກລາຄາ 20 – 25 ພັນກີບ/ກິໂລ ມາເປັນ 45 – 50 ພັນກີບ/ກິໂລ, ໜອມບົ່ວຈາກ 15 – 18 ພັນກີບ/ກິໂລ ມາເປັນ 30 – 35 ພັນກີບ/ກິໂລ, ຫອມປ້ອມຈາກ 20 – 25 ພັນກີບ/ກິໂລ ມາເປັນ 35 – 40 ພັນກີບ/ກິໂລ ແລະ ພືດຜັກອື່ນໆດັ່ງ: ຜັກສະຫຼັດ , ໝາກນາວ, ໝາກເຫລັ່ນ, ຫອມລາບ, ໝາກຖົ່ວ, ຜັກບົ້ງ ກໍມີລາຄາແພງຂຶ້ນ 2 – 5 ພັນກີບ/ກິໂລ, ແຕ່ກົງກັນຂ້າມລາຄາສິນຄ້າປະເພດຊີ້ນ, ປາ ພັດຢູ່ໃນເກນປົກກະຕິ ຄື: ຊີ້ນງົວ 70 – 75 ພັນກີບ/ກິໂລ, ຊີ້ນໝູ 30 – 40 ພັນກີບ/ກິໂລ, ເປັດ,ໄກ່ 35 – 45 ພັນກີບ/ກິໂລ, ປາກະຊັງ 18 – 22 ພັນກີບ/ກິໂລ, ຂະນະທີ່ຊາວຄ້າຂາຍສ່ວນຫຼາຍ ຕ່າງກໍໃຫ້ເຫດຜົນຄືກັນວ່າ: ກໍດັ່ງທຸກໆປີຜ່ານມາພໍຮອດໄລຍະນີ້ ຜັກປະເພດຕ່າງໆ ຈະມີລາຄາສູງຂຶ້ນ ເນື່ອງຈາກການປູກພືດອາຍຸສັ້ນ ປະເພດຜັກຈະໜ້ອຍລົງ, ຍ້ອນຊາວສວນຈຳນວນຫຼາຍ ໄດ້ຫັນເອົາເນື້ອທີ່ໄປປູກພືດຊະນິດອື່ນ ແທນການປູກຜັກ ແລະ ພືດອາຍຸສັ້ນອື່ນໆ ເພາະເປັນໄລຍະລະດູຝົນໄດ້ເລີ່ມຂຶ້ນແລ້ວ ແລະ ຄາດວ່າລາຄາຜັກ ຍັງຈະສືບຕໍ່ແພງຂຶ້ນຕື່ມອີກ ເນື່ອງຈາກການຕອບສະໜອງ ບໍ່ພຽງພໍກັບຄວາມຕ້ອງການຂອງຜູ້ບໍລິໂພກ.
ແຫລ່ງຂ່າວ:
