Homeຂ່າວເຫດການຮອງປະທານປະເທດ ພັນຄຳ ວິພາວັນ ຮ່ວມສະຫລອງວັນສ້າງຕັ້ງ ສວນແກ້ວຫລັກເມືອງ ຄົບຮອບ 8 ປີ

ຮອງປະທານປະເທດ ພັນຄຳ ວິພາວັນ ຮ່ວມສະຫລອງວັນສ້າງຕັ້ງ ສວນແກ້ວຫລັກເມືອງ ຄົບຮອບ 8 ປີ

Published on

ຂປລ. ຕອນ​ເຊົ້າວັນ​ທີ 17 ພຶດສະພາ ນີ້, ​ເມືອງ​ຊຳ​ເໜືອ​ ແຂວງ​ຫົວພັນ ​ໄດ້​ຈັດ​ພີ​ທິສະ​​ເຫລີ​ມສະຫລອງ​ວັນ​ສ້າງ​ຕັ້ງ​ສວນ​ແກ້ວ​ຫລັກ​​ເມືອງ ​ຄົບຮອບ 8 ປີ (17 ພຶດສະພາ 2008-17 ພຶດສະພາ 2016), ​ໂດຍ​ເປັນກຽດ​ເຂົ້າຮ່ວມ​ຂອງທ່ານ ພັນ​ຄຳ ວິພາ​ວັນ ຮອງ​ປະທານ​ປະ​ເທດ ​ແຫ່ງ ສາທາລະນະ​ລັດ ປະຊາທິປະ​ໄຕ ປະຊາຊົນ​ລາວ, ທ່ານ ວັນ​ໄຊ ​ແພງ​ຊຸມ​ມາ ​ເຈົ້າ​ແຂວງໆ​ຫົວພັນ, ມີ​ບັນດາ​ທ່ານ​ ການ​ນຳ​ຂັ້ນ​ແຂວງ, ​ເມືອງ​ຊຳ​ເໜືອ, ຫົວໜ້າ–ຮອງ​ຫົວໜ້າພະ​ແນ​ກການ​ອ້ອມ​ຂ້າງ​ແຂວງ​ ຕະຫລອດຮອດ​ມວນ​ຊົນ​​ເມືອງ​ຊຳ​ເໜືອ ເຂົ້າຮ່ວມ​ຢ່າງຫລວງຫລາຍ.

Untitled-1 vankham 1

ໃນ​ພິທີ​ຄັ້ງ​ນີ້, ທ່ານ ກິ​ໂກ​ໂນ​ວັນ ບຸນ​ສົງຄາມ ຮອງ​ເຈົ້າ​ເມືອງ​ໆຊຳ​ເໜືອ ​ໄດ້​ເລົ່າ​ມູນ​ເຊື້ອປະຫວັດ​ຄວາມ​ເປັນ​ມາ​ໃນການ​ສ້າງຕັ້ງສວນ​ແກ້ວຫລັກ​ເມືອງ ​ເຊິ່ງ​ເປັນ​ສັນຍາ​ລັກ​ຄູ່​ບ້ານ​ຄູ່​ເມືອງ ​ແລະ ​ເປັນ​ມິ່ງ​ແກ້ວ​ຂວັນ​ເມືອງ, ​ເປັນ​ຄະ​ຕິ​ເຕືອນ​ໃຈ​ຂອງ​ຊາວ​ແຂວງ ​ຫົວພັນ​ ເຊັ່ນ: ຢູ່​ຮ່ວມ​ກັນ​ຢ່າງ​ສັນຕິ​ສຸກ, ບຸກບືນ​ສ້າງສາ​ຄວາມ​ຈະ​ເລີ​ນ, ນຳພາ​ປະຊາຊົນ​ຢູ່​ເຢັນ​ເປັນ​ສຸກ ​ແລະ ປົກຄອງ​ບ້ານ​ເມືອງ​ໂດຍ​ຍຸຕິ​ທຳ, ສາມາດ​ເຮັດ​ໃຫ້​ເມືອງ​ຊຳ​ເໜືອ ກໍຄື ​ແຂວງ​ຫົວພັນ​ ມີ​ສະຖຽນລະ​ພາບ​ທາງ​ດ້ານ​ການ​ເມືອງ, ມີ​ຄວາມ​ສະຫງົບ​ປອດ​ໄພ, ​ເສດຖະກິດ-​ສັງຄົມ ​ມີ​ການ​ຂະຫຍາຍຕົວຢ່າງ​ຕໍ່​ເນື່ອງ.

ສວນ​ແກ້ວຫລັກ​ເມືອງ​ແຫ່ງ​ນີ້​ ສ້າງ​ຂຶ້ນ​​ໂດຍ​ແນ່​ໃສ່​ສ້າງ​ໃຫ້​ມີ​ສູນ​ລວມທາງ​ດ້ານ​ຈິດ​ໃຈ ​ເພື່ອ​ເຊີດ​ຊູ​ກຽດສັກ​ສີ, ຊື່ສຽງ, ມູນ​ເຊື້ອວິລະ​ຊົນ​ຂອງ​ປະຊາຊົນ​ບັນດາ​ເຜົ່າ​ທົ່ວແຂວງ​ຫົວພັນ​, ​ໃນ​ດິນ​ແດນ​​ແຫ່ງ​ນີ້​ໄດ້​ເປັນ​ເຂດ​ທີ່ໝັ້ນຂອງ​ການ​ປະຕິວັດ, ​ເປັນ​ຖິ່ນ​ກຳ​ເນີ​ດຂອງ​ພັກ​ປະຊາຊົນ​ ປະຕິບັດ​ລາວ, ​ເປັນ​ຖິ່ນ​ກຳ​ເນີ​ດ ກອງທັບ​ປະຊາຊົນ​ລາວ, ​ເປັນ​ສູນ​ກາງ​ຊີ້ນຳໆພາ​ການ​ປະຕິວັດ​ ຈົນ​ສາມາດ​ໄດ້​ຮັບ​ໄຊຊະນະ​ຢ່າງ​ສົມບູນ​ ໃນ​ວັນ​ທີ 2 ທັນວາ ປີ 1975. ນອກ​ນັ້ນ, ຍັງ​ເປັນ​ສັນຍາ​ລັກ​ແຫ່ງ​ຄວາມ​ກະຕັນ​ຍູ້​ຮູ້​ບຸນຄຸນ​ຂອງ​ຊາວ​ແຂວງ​ຫົວພັນ ​ຕໍ່ກັບ​ບັນພະ​ບູລຸດ, ນັກຮົບ ​ແລະ ປະຊາຊົນ​ທີ່​ມີ​ຄຸນງາມຄວາມດີ​ຕໍ່ພາລະກິດ​ປະຕິວັດ​ ກໍຄື​ ພາ ລະກິດ​ແຫ່ງ​ການ​ຕໍ່ສູ້​ປົກ​ປັກ​ຮັກສາ ​ແລະ ສ້າງສາ​​ແຂວງ​ຫົວພັນ.

 

ແຫລ່ງຂ່າວ:

ຂປລ

ຕິດຕາມເລື່ອງດີດີເພຈທ່ຽວເມືອງລາວ Laotrips ກົດໄລຄ໌ເລີຍ!

ບົດຄວາມຫຼ້າສຸດ

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...

ແຂວງໃດກໍພົບເຫັນໄຊສົມບູນ ກວດພົບພະນັກງານສໍ້ລາດບັງຫຼວງ 12 ຄົນມູນຄ່າເສຍຫາຍ 10 ກວ່າຕື້ກີບ

ໃນຕອນເຊົ້າວັນທີ 11 ພະຈິກ 2026 ແຂວງໄຊສົມບູນ ໄດ້ເປິດກອງປະຊຸມສະຫຼຸບຕີລາວຽກງານກວດກາ ທົ່ວແຂວງ 5 ປີ (2021-2025) ແລະ ທິດທາງແຜນການ 5 ປີ...