ສຳນັກຂ່າວຕ່າງປະເທດ ລາຍງານຈາກນະຄອນລອສແອງເຈີລີສ (ລັດແຄລິດຟໍເນຍ) ປະເທດສະຫະລັດອາເມລິກາ (21/05/2014)ວ່າ ສຳນັກງານກວດເມືອງ ຊານຕາອານາ ແຈ້ງຜົນການຈັບກຸມ (ທ້າວ) ອິຊິໂດ ກາເຊີ ອາຍຸ 41 ປີ ຂໍ້ຫາລັກພາຕົວ ແລະ ກັກຂັງແມ່ຍິງຄົນໜຶ່ງໄວ້ ເປັນເວລານານ 10 ປີ ແລະຍັງບັງຄັບເອົາເປັນເມຍ ຈົນມີລູກນຳກັນ 1 ຄົນ ປັດຈຸບັນແມ່ຍິງຄົນນີ້ອາຍຸໄດ້ 25 ປີ ແລ້ວ
ຈາກການສອບສວນໄດ້ຄວາມວ່າ ເຫດເກີດຂຶ້ນຕັ້ງແຕ່ 10 ປີທີ່ຜ່ານມາ ທ້າວກາເຊີ ຄົບຫາມີຄວາມສຳພັນກັບແມ່ ຜູ້ເສຍຫາຍ ໂດຍຢູ່ເຮືອນ ດຽວກັນໃນ ເມືອງຊານຕາອານາ ທ້າວ ກາເຊີໄດ້ທຳຮ້າຍແມ່ຂອງຜູ້ເສີຍຫາຍ ແລ້ວກໍວາງຢາ ລັກພາຕັວແມ່ຍິງຄົນນີ້ມາຂັງໄວ້ໃນ ບ່ອນຈອດລົດຂອງເຮືອນອີກຫລັງໜຶ່ງ ຈາກນັ້ນ ກາເຊີ ໄດ້ຂົ່ມຂູ່ ແລະກັກໂຕໄວ້ ຖ້າຫາກວ່າ ຕິດຕໍ່ໂລກພາຍນອກ ຫຼື ຫລົບໜີ ຄອບຄົວຂອງແມ່ຍິງຄົນນັ້ນ ກໍຈະຖຶກເນລະເທດອອກຈາກ ອາເມລິກາ ເນື່ອງຈາກເຂົ້າເມືອງຜິດກົດໝາຍ ແລະ ນາງກໍຖືກທຳຮ້າຍທາງກາຍ ແລະຈິດໃຈ
ຕໍ່ມານາງຜູ້ນີ້ກໍໄດສະໝັກເປັນສະມາຊິກເຟສບຸກ ຊ່ວຍໃຫ້ນາງໄດ້ເປັນໝູ່ກັບເອື້ອຍນາງໂດຍບັງເອີນ ແລະ ກໍໄດ້ວາງແຜນໜີ ແລະໄປແຈ້ງຄວາມກັບຕຳຫຼວດໃຫ້ມາຈັບກຸມ ທ້າວ ກາເຊີຍ ຢູ່ເຮືອນ ແລ້ວກໍຊ່ວຍເຫລືອນາງໄດ້ສຳເຮັດ.