ສຳນັກ​ສຳ​ຫຼວດທໍລະນີວິທະຍາ​ສະຫະລັດ​ລາຍ​ງານ​ວ່າ ​ເກີດ​ແຜ່ນ​ດິນ​ໄຫວ​ຂະໜາດ 6,7 ທາງ​ຕາ​ເວັນ​ຕົກ​ຂອງ​ເອກ​ວາ​ດໍ​ເມື່ອ​ເຊົ້າ​ມື້​ນີ້ ຕາມ​ເວລາ​ທ້ອງ​ຖິ່ນ ຍັງ​ບໍ່​ມີ​ລາຍ​ງານ​ຄວາມ​ເສຍ​ຫາຍ.

ລາຍ​ງານ​ລຸ​ບຸ​ວ່າ ສູນ​ກາງ​ແຜ່ນດິນ​ໄຫວ​ຢູ່​ຫ່າງ​ຈາກ​ເມືອງ​ເອສ​ເມີຣັລດາ​ສ​ໄປ​ທາງ​ໃຕ້ 58 ກິ​ໂລ​ແມັດ ​ແລະ ​ເລິກ​ຈາກ​ແຜ່ນດິນ​​ໄຫວ​ເກີດ​ຂຶ້ນ​ເມື່ອ​ເວລາ​ປະມານ 02:57 ​ໂມງ​ຕາມ​ເວລາ​ທ້ອງ​ຖິ່ນ ຫຼື ກົງ​ກັບ​ເວລາ 14:57 ​ໂມງ ຕາມ​​ເວລາ​ໃນ​ລາວ ສູນ​ເຕືອນ​ໄພ​ສຶນາ​ມິ​ໃນ​ມະຫາ​ສະໝຸດ​ປາ​ຊີ​ຟິກລະບຸ​ວ່າ ​ບໍ່​ໜ້າ​ຈະ​ເກີ​ດຄື້ນ​ໃຫຍ່​ສຶນາ​ມິ.

​ແຜ່ນດິນ​ໄຫວ​ຫຼ້າ​ສຸດ​ເກີດ​ຂຶ້ນ​ຫລັງ​ຈາກ​ເມື່ອ​ເດືອນ​ທີ່​ຜ່ານ​ມາ ​ເອກ​ວາ​ດໍ​ຫາ​ກໍ​ຜະ​ເຊີນ​ແຜ່​ນດິນ​ໄຫວ ຂະໜາດ 7,8 ນັບ​ວ່າ​ເປັນ​ແຜ່ນດິນ​ໄຫວ​ຄັ້ງ​ໃຫຍ່​ທີ່​ສຸດ​ໃນ​ຮອບ​ເກືອບ 70 ປີ ​ເຮັດ​ໃຫ້​ມີ​ຜູ້​ເສຍ​ຊີວິ​​ໄປ​ກວ່າ 500 ຄົນ ​ແລະ ບາດ​​ເຈັບ​ອີກ​ປະມານ 16.600 ຄົນ.