ສຳນັກຂ່າວຕ່າງປະເທດ ລາຍງານໃນວັນທີ 17 ພຶດສະພາຜ່ານມານີ້ວ່າ ເກີດເຫດລະເບີດຂ້າຕົວຕາຍ 4 ຈຸດ ຢູ່ຕະຫລາດ 3 ແຫ່ງ ແລະ ອີກແຫ່ງໜຶ່ງເປັນຮ້ານອາຫານ ໃຈກາງນະຄອນຫລວງແບກແດດ ປະເທດອີຣັກ ສົ່ງຜົນເຮັດໃຫ້ມີຜູ້ເສຍຊີວິດລວມກັນ ຢ່າງໜ້ອຍ 63 ຄົນ ແລະ ບາດເຈັບອີກ ຫລາຍກວ່າ 100 ຄົນ ຊຶ່ງນັບເປັນການໂຈມຕີໃນເມືອງຫລວງຂອງປະເທດ ເທື່ອທີ 3 ແລ້ວໃນຮອບໜຶ່ງອາທິດຜ່ານມາ.

ຜູ້ຊ່ຽວຊານໃນອີຣັກ ໄດ້ອອກມາລະບຸວ່າ ການໂຈມຕີລັກສະນະດັ່ງກ່າວນີ້ ແມ່ນເປັນຝີມືຂອງກຸ່ມໄອເອັສ ໂດຍໃນໄລຍະ 7 ມື້ຜ່ານມາ ໄດ້ເກີດເຫດໂຈມຕີ ຢູ່ນະຄອນຫລວງແບກແດດມາແລ້ວ 2 ຄັ້ງ ໃນວັນສຸກທີ 13 ພຶດສະພາ ແລະ ວັນອາທິດທີ 15 ພຶດສະພາ ຊຶ່ງລວມກັນກັບເຫດການຫລ້າສຸດນີ້ແລ້ວ ແມ່ນມີຜູ້ເສຍຊີວິດເຖິງ 107 ຄົນ.

ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!