Homeຂ່າວເຫດການສະພາ​ແຫ່ງຊາດ ຫາລື​ຫລາຍບັນຫາ​ສຳຄັນ ຮ່ວມກັບຂະແໜງການກ່ຽວຂ້ອງ

ສະພາ​ແຫ່ງຊາດ ຫາລື​ຫລາຍບັນຫາ​ສຳຄັນ ຮ່ວມກັບຂະແໜງການກ່ຽວຂ້ອງ

Published on

ໃນວັນທີ 17 ພຶດສະພານີ້, ສະພາ​ແຫ່ງ​ຊາດ ແລະ ​ບັນດາ​ກະຊວງ​ກ່ຽວຂ້ອງຈໍານວນໜຶ່ງ ໄດ້​ຈັດ​ກອງ​ປະຊຸມ​ປຶກສາ​ຫາລື​ ບັນຫາ​ສຳຄັນ​ພື້ນຖານຕ່າງໆຂອງຊາດຄື: ແຜນ​ການສ້າງ ​ແລະ ປັບປຸງ​ກົດໝາຍ 5 ປີ​ຂອງ​ບັນດາ​ກະຊວງ​ ​ແລະ ຂະ​ແໜງ​ການທີ່​ກ່ຽວຂ້ອງ, ​ແຜນ​ໂຄງການ​ລົງທຶນ​ຂະໜາດ​ໃຫຍ່, ​ແຜນການ, ​ວິທີ​ການ ​ແລະ ມາດ​ຕະການ​ລະອຽດ ​ໃນ​ການຈັດ​ຕັ້ງ​ປະຕິບັດ​ ແຜນ​ພັດທະນາ​ເສດຖະກິດ​-ສັງຄົມແຫ່ງ​ຊາດ 5 ປີຄັ້ງ​ທີ VIII ( 2016-2020) ຂອງ​ບັນ​ດາ​ກະຊວງ, ກົນ​ໄກ​ການ​ປະສານ​ງານ ​ແລະ ວິທີ​ການ​ເຮັດ​ວຽກ ລະຫວ່າງ​ກຳມາ​ທິການ​ເສດຖະກິດ, ​ເຕັກ​ໂນ​ໂລ​ຊີ ​ແລະ ສິ່ງ​ແວດ​ລ້ອມຂອງ​ ສະພາ​ແຫ່ງ​ຊາດ ​ແລະ ບັນດາ​ກະຊວງ ເພື່ອເພີ່ມ​ທະວີ​ຄວາມ​ເອົາ​ໃຈ​ໃສ່ ​ແລະ ​ເປັນ​ເຈົ້າ​ການ​ໃນ​ການ​ຫ້າງ​ຫາ​ກະກຽມ ຈັດ​ກອງ​ປະຊຸມ​ທົບ​ທວນຄືນ ​ແລະ ປະ​ເມີນ​ຜົນ​ ການຈັດ​ຕັ້ງ​ປະຕິບັດບັນ​ດາ​ກົດໝາຍ, ລະບຽບ​ການ​ຕ່າງໆ​ຂອງ​ຂະ​ແໜງ​ການ​ຕົນ ໃນ​ໄລຍະ​ຜ່ານ​ມາວ່າ​ມີ​ຂໍ້​ສະດວກ, ຂໍ້​ຫຍຸ້ງຍາກ, ຂໍ້ຄົງຄ້າງ, ສິ່ງ​ທ້າ​ທາຍ​ຄື​ແນວ​ໃດ, ມີ​ມາດຕາ​ໃດ​ຂອງ​ກົດໝາຍ, ລະບຽບ​ການທີ່​ປະຕິບັດ​ບໍ່​ໄດ້ ​ແລະ ບໍ່​ມີ​ຜົນ​ສັກສິດ,ພ້ອມ​ທັງ​ສະ​ເໜີ ​​ໃຫ້​ບັນດາ​ກະຊວງ ເຊີນ​​ເອົາ​ພະ​ແນ​ກການ​ຕ່າງໆ​ຂອງ​ແຂວງ ໃນ​ຂອບ​ເຂດ​ທົ່ວ​ປະ​ເທດ ​ເຂົ້າ​ມາ​ທົບ​ທວນ ​ແລະ ຮ່ວມ​ປຶກສາ​ຫາລືຮ່ວມ​ກັນ​.

ກອງປະຊຸມດັ່ງກ່າວ ພາຍໃຕ້ການເປັນປະທານຂອງ​ ທ່ານ ບຸນ​ປອນ ບຸດ​ຕະນະ​ວົງ ຮອງ​ປະທານ​ສະພາ​ແຫ່ງ​ຊາດ ຜູ້​ຊີ້​ນຳ​ຂົງ​ເຂດ​ວຽກ​ງານ​ເສດຖະກິດ, ​ເຕັກ​ໂນ​ໂລ​ຊີ, ສິ່ງ​ແວດ​ລ້ອມ, ວັດທະນະທຳ-ສັງຄົມ ​ແລະ ການ​ຕ່າງປະ​ເທດ, ມີບັນດາຄະນະ​ປະຈຳ​ສະພາ​ແຫ່ງ​ຊາດ, ລັດຖະມົນຕີ, ຫົວໜ້າກົມ​ເຂົ້າ​ຮ່ວມຢ່າງພ້ອມພຽງ.

 

ແຫລ່ງຂ່າວ:

ລພນ

ຕິດຕາມເລື່ອງດີດີເພຈທ່ຽວເມືອງລາວ Laotrips ກົດໄລຄ໌ເລີຍ!

ບົດຄວາມຫຼ້າສຸດ

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ທີ່ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...