ສຳນັກຂ່າວຂອງຈີນຫລາຍແຫ່ງ ໄດ້ລາຍງານໃນວັນທີ 17 ພຶດສະພານີ້ ກ່ຽວກັບແບ້ໂຕໜຶ່ງ ຢູ່ແຂວງຢູນນານ ທາງພາກຕາເວັນຕົກສຽງໃຕ້ຂອງປະເທດ ທີ່ເກີດມາພ້ອມກັບຄວາມພິການ ແຕ່ມັນສາມາດຮຽນຮູ້ ໃນການຍ່າງສອງຂາຢ່າງຄ່ອງແຄ້ວໄດ້ ໂດຍຊາວບ້ານໃນເມືອງຊິນຜິງ ແຂວງຢູນນານ ໄດ້ພາກັນເອີ້ນແບ້ໂຕນີ້ວ່າ ” ຢັງ ຈ້ຽນ ສຽງ ” ຊຶ່ງມີຄວາມໝາຍວ່າ ແບ້ທີ່ມີຈິດໃຈແຮງກ້າ ຫລັງຈາກທີ່ມັນເກີດມາ ໃນວັນທີ 20 ທັນວາ 2015 ແຕ່ມີສອງຂາຫລັງ ມີລັກສະນະນ້ອຍລີບ ຈົນບໍ່ສາມາດໃຊ້ຍ່າງໄດ້.
ຢ່າງໃດກໍຕາມ ແບ້ໂຕດັ່ງກ່າວນີ້ ສາມາດຢືນດ້ວຍສອງຂາໜ້າຂອງມັນ ນັບຕັ້ງແຕ່ມື້ທຳອິດທີ່ມັນເກີດ ແລະ ປະມານໜຶ່ງອາທິດຕໍ່ມາ ມັນກໍສາມາດຍ່າງໄປກັບຝູງໄດ້ ດ້ວຍສອງຂາຢ່າງເປັນປົກກະຕິດີ.
ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!