ຂປລ. ທ້າຍອາທິດຜ່ານມາ, ທ່ານ ຄຳພູນ ຕຸໄພທູນ ຮອງເຈົ້າແຂວງໆສະຫວັນນະເຂດ ພ້ອມການນຳຂອງເມືອງນອງ ໄດ້ລົງເຄື່ອນໄຫວຕິດຕາມກວດກາ ຜົນເສຍຫາຍທີ່ເກີດຈາກ ພາຍຸລະດູຮ້ອນ ທີ່ພັດເຂົ້າເມືອງນອງ ໃນຕົ້ນເດືອນພຶດສະພາ ອັນໄດ້ເຮັດໃຫ້ຫລາຍທ້ອງຖິ່ນພາຍໃນເມືອງນອງ ໄດ້ຮັບຜົນກະທົບ ເປັນວົງກວ້າງ ແລະ ມອບເງິນຊ່ວຍເຫລືອເບື້ອງຕົ້ນ ຈຳນວນ 50 ລ້ານກີບ ເພື່ອຊ່ວຍເຫລືອບັນດາຄອບຄົວ ທີ່ໄດ້ຮັບຜົນກະທົບ.
ພາຍຸດັ່ງກ່າວ ໄດ້ພັດເຂົ້າເຂດຈຸດສຸມປະເລາະ-ອາສິງ ເຊິ່ງປະກອບມີ ບ້ານແດນວິໄລ ແລະ ບ້ານປະລຽງ ອັນໄດ້ເຮັດໃຫ້ເຮືອນພັກຂອງເຂດຈຸດສຸມ, ຕະຫລາດ ແລະ ເຮືອນຊານຂອງປະຊາຊົນ ຈຳນວນ 20 ຫລັງ ໄດ້ຮັບຄວາມເສຍຫາຍໜັກ ແລະ ຢູ່ເຂດຊວງ ປະກອບມີໂຮງຮຽນປະຖົມ 1 ຫລັງ, ຫໍພັກນັກຮຽນ 1 ຫລັງ ແລະ ເຮືອນປະຊາຊົນ ຈຳນວນ 3 ຫລັງ. ສ່ວນຢູ່ຈຸດສຸມຕັງອາໄລ–ລະແບງ ກໍໄດ້ຮັບຜົນກະທົບເຊັ່ນກັນ ເປັນຕົ້ນແມ່ນສຳນັກງານ ຫ້ອງການກຸ່ມ ປກສ ຈຸດສຸມ, ຫໍພັກນັກຮຽນ ມ ຕົ້ນ ແລະ ເຮືອນປະຊາຊົນ ຈຳນວນ 26 ຫລັງ ປະເມີນມູນຄ່າເສຍຫາຍ ເບື້ອງຕົ້ນປະມານ 200 ລ້ານກວ່າກີບ.
ແຫລ່ງຂ່າວ:
ສຳຫຼັບທ່ານທີ່ຮັກສຸຂະພາບ ຕິດຕາມເລື່ອງດີດີ ກົດໄລຄ໌ເລີຍ!