ຂປລ. ພິທີມອບ–ຮັບ ອັດຖິຊ່ຽວຊານ ແລະ ທະຫານອາສາສະຫມັກຫວຽດນາມ ທີ່ເສຍສະຫລະຊີວິດໃນປາງສົງຄາມ ຈຳນວນ 37 ອັດຖິ ຄືນປະເທດ ໄດ້ຈັດຂຶ້ນທ້າຍອາທິດຜ່ານມາ ໂດຍມີ ທ່ານ ຄຳພູນ ຕຸໄພທູນ ຮອງເຈົ້າແຂວງໆ ສະຫວັນນະເຂດ, ຄະນະປະຕິບັດງານພິເສດຂັ້ນແຂວງ, ທ່ານ ມາຍຖຶ່ກ ຮອງປະທານ ຄະນະກຳມະການປະຊາຊົນ ແຂວງກວາງຈິ ສສ ຫວຽດນາມ, ຫົວໜ້າຄະນະປະຕິງານພິເສດຂັ້ນແຂວງ ແລະ ພາກສ່ວນກ່ຽວຂ້ອງເຂົ້າຮ່ວມ.
ໃນສົກປີ 2015-2016 ຄະນະປະຕິບັດງານພິເສດທັງສອງແຂວງ ກໍຄືແຂວງສະຫວັນນະເຂດ ແລະ ແຂວງກວາງຈິ ໄດ້ປະສານສົມທົບກັນ ຊີ້ນຳກອງ 584 ກອງບັນຊາການທະຫານແຂວງກວາງຈິ ສາມາດຊອກຫາ ແລະ ຂຸດຄົ້ນໄດ້ 37 ອັດຖິ ໃນນີ້ພົບໃນຂຸມຝັງສົບລວມຈຳນວນ 23 ອັດຖິ ຢູ່ເຂດເມືອງອາດສະພອນ.
ແຫລ່ງຂ່າວ:
ຕິດຕາມເລື່ອງດີດີເພຈທ່ຽວເມືອງລາວ Laotrips ກົດໄລຄ໌ເລີຍ!