ສຳນັກຂ່າວຕ່າງປະເທດ ລາຍງານໃນວັນທີ 16 ພຶດສະພາຜ່ານມານີ້ວ່າ ເຈົ້າໜ້າທີ່ກະຊວງປ້ອງກັນປະເທດ ສ.ເກົາຫລີ ຫລື ເກົາຫລີໃຕ້ ໄດ້ອອກມາລະບຸ ກຽມເປີດການຊ້ອມຮົບ 3 ຝ່າຍ ລະຫວ່າງ ສະຫະລັດອາເມຣິກາ, ຍີ່ປຸ່ນ ແລະ ເກົາຫລີໃຕ້ ໃນວັນທີ 28 ມິຖຸນາຈະມາເຖິງນີ້ ໃນບໍລິເວນນ່ານນ້ຳໃກ້ໆກັບລັດຮາວາຍ ປະເທດສະຫະລັດອາເມຣິກາ ໂດຍການຊ້ອມຮົບຮ່ວມກັນຄັ້ງນີ້ ຈະເປັນການເຝິກກວດຈັບ ແລະ ຕິດຕາມ ສິ່ງສົມມຸດວ່າ ເປັນຂີປະນາວຸດທີ່ຍິງມາຈາກເກົາຫລີເໜືອ.
ດ້ານສຳນັກຂ່າວຢອນຮັບ ຂອງເກົາຫລີໃຕ້ ໄດ້ລາຍງານວ່າ ສະຫະລັດອາເມຣິກາ ຈະສົ່ງອາກາດສະຍານຂຶ້ນບິນ ເພື່ອສົມມຸດວ່າ ເປັນຂີປະນາວຸດທີ່ຖືກຍິງມາ ຈາກນັ້ນກອງທັບທັງ 3 ປະເທດ ຈະເຝິກຕິດຕາມຂີປະນາວຸດຈຳລອງ ຈາກກຳປັ່ນທີ່ຕິດຕັ້ງຂີປະນາວຸດ Aegis, ແຕ່ຈະບໍ່ມີການເຝິກຍິງເພື່ອສະກັດກັ້ນ ແຕ່ຢ່າງໃດ.
ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!