ເຈົ້າໜ້າທີ່ລະດັບສູງຂອງສຳນັກງານໄພພິບັດອິນໂດເນເຊຍລາຍງານວ່າ ພົບສົບຜູ້ເສຍຊີວິດແລ້ວ 14 ສົບ ແລະ ອີກ 7 ຄົນຍັງຄົງສູນຫາຍ ຫຼັງຈາກເກີດນໍ້າຖ້ວມກະທັນຫັນບໍລິເວນໃນເມືອງເດລີເຊີດັງ ຣີສອດທ່ອງທ່ຽວໃນແຂວງສຸມາຕຣາເໜືອ.
ນອກຈາກນີ້ ຍັງພົບຜູ້ບາດເຈັບ 6 ຄົນ ລາຍງານລະບຸວ່າ ການຄົ້ນຫາຜູ້ສູນຫາຍຈະເລີ່ມຂຶ້ນອີກໃນວັນອັງຄານນີ້ ເຈົ້າໜ້າທີ່ກ່າວວ່າ ມີຜູ້ໄດ້ຮັບຜົນກະທົບຈາກເຫດນໍ້າຖ້ວມກະທັນຫັນຄັ້ງນີ້ 78 ຄົນ ແຕ່ລອດຊີວິດມາໄດ້ 56 ຜູ້ເສຍຊີວິດ, ຜູ້ບາດເຈັບ ແລະ ຜູ້ສູນຫາຍເປັນນັກສຶກສາ ນອກຈາກນີ້ ຍັງມີຜູ້ນຳທ່ຽວລວມຢູ່ນຳ 2 ຄົນ ເຫດນໍ້າຖ້ວນກະທັນຫັນເກີດຂຶ້ນເມື່ອບ່າຍວັນອາທິດທີ່ຜ່ານມາ ຕາມເວລາທ້ອງຖິ່ນ ບໍລິເວນຈຸດທີ່ເປັນນໍ້າຕົກໃນໝູ່ບ້ານແຫ່ງໜຶ່ງ ແລະ ມີຝົນຕົກໜັກໃນພື້ນທີ່ແຖວພູເຂົາໃຫ້ຄຽງ ຈິ່ງເຮັດໃຫ້ເກີດນໍ້າໄຫຼລົ້ນຖ້ວມສະຖານທີ່ທ່ອງທ່ຽວດັ່ງກ່າວ, ຢ່າງໃດກໍຕາມ ບໍ່ມີລາຍງານຄວາມເສຍຫາຍຕໍ່ຊັບສິນ ດ້ານທະຫານ ຕຳຫຼວດ ແລະ ໜ່ວຍກູ້ໄພເລັ່ງເຂົ້າຊ່ວຍເຫຼືອຜູ້ປະສົບໄພ ແລະ ຄົ້ນຫາຜູ້ສູນຫາຍ.