ສຳນັກຂ່າວຕ່າງປະເທດ ລາຍງານໃນວັນທີ 16 ພຶດສະພານີ້ວ່າ ພາຍຸເຂດຮ້ອນ ໄດ້ພັດເຂົ້າຖະຫລົ່ມ ປະເທດບັງກະລາເທດ ເຮັດໃຫ້ເກີດຝົນຕົກຟ້າຄະນອງ ແລະ ພາຍຸຝົນຢ່າງຮຸນແຮງ, ໃນນັ້ນ ໄດ້ເກີດເຫດຟ້າຜ່າ ເຮັດໃຫ້ມີຄົນເສຍຊີວິດຢ່າງໜ້ອຍ 64 ຄົນ ພາຍໃນໄລຍະພຽງ 2 ມື້ຜ່ານມານີ້ ໂດຍສ່ວນໃຫຍ່ເປັນຊາວໄຮ່ນາ ທີ່ພາກັນເຮັດວຽກຢູ່ກາງແຈ້ງ ໃນໄລຍະທີ່ເກີດພາຍຸຝົນຟ້າຄະນອງ.
ດ້ານເຈົ້າໜ້າທີ່ໃນທ້ອງຖິ່ນເຊື່ອວ່າ ປັດໄຈໜຶ່ງທີ່ເຮັດໃຫ້ມີຄົນຖືກຟ້າຜ່າຫລາຍຂຶ້ນ ແມ່ນຍ້ອນມີຜູ້ໃຊ້ງານ ໂທລະສັບມືຖືຫລາຍຂຶ້ນ ລວມທັງມີການໃຊ້ອຸປະກອນໂລຫະເພີ່ມຂຶ້ນ ເຮັດໃຫ້ຮອດປັດຈຸບັນ ມີຜູ້ເສຍຊີວິດຈາກການຖືກຟ້າຜ່າ ພາຍໃນປະເທດ ນັບແຕ່ປີ 2016 ມານີ້ ໄດ້ແຊງໜ້າສະຖິຕິລວມກັນຂອງປີ 2015 ແລ້ວເຖິງ 51 ຄົນ.
ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!