ວັນທີ16/05/2016 ເວລາ 04:00ໂມງເຊົ້າ ໄດ້ເກີດເຫດໄຟໄໝ້ຫຼັງໂຮງຮຽນລາວ-ເຢຍລະມັນ(ຫຼັກ 3) ບ້ານ ວັດນາກ ເມືອງ ສີສັດຕະນາກ ແຂວງນະຄອນຫລວງວຽງຈັນ, ຄວາມເສຍຫາຍແມ່ນຫໍພັກຄູ-ອາຈານໄໝ້ຈຳນວນ 2ຕຶກ ແລະ ເຮັດໃຫ້ມີຜູ້ບາດເຈັບ1ຄົນ ເປັນເພດຍິງ ທີ່ຖືກໄຟລວກ ແຕ່ມີພົນລະເມືອງດີນຳສົ່ງໂຮງໝໍກ່ອນ.

ທາງໜ່ວຍງານສະກັດກັ້ນອັກຄີໄພນະຄອນຫຼວງ,ໜ່ວຍກູ້ໄພມູນນິທິ ແລະ ໜ່ວຍກູ້ໄພ ພັດທະນາຜາສຸກ ສາມາດດັບເພີງໄຟເພື່ອບໍ່ໃຫ້ລຸກລາມໄດ້ສຳເລັດ.

ສາເຫດຂອງການໄໝ້ໃນຄັ້ງນີ້ຍັງຢູ່ໃນການສືບສວນຂອງເຈົ້າໜ້າທີ່ຢູ່ ຫາກໄດ້ຮັບການເປີດເຜິຍທາງທີມງານຈະນຳມາແຈ້ງໃຫ້ຊາບອີກຄັ້ງ

ທາງທີມງານຂໍສະແດງຄວາມເສຍໃຈກັບພາກສ່ວນທີ່ເຄາະຮ້າຍໃນຄັ້ງນີ້ດ້ວຍ

ຂ່າວຈາກ: ໜ່ວຍກູ້ໄພ ມູນນິທິຊ່ວຍເຫຼືອຄົນທຸກຍາກແຫ່ງ ສປປ ລາວ ຮັບແຈ້ງຈາກປະຊາຊົນທາງເບີສຸກເສີນ 1623