ເນືອງໃນໂອກາດວັນເດັກນ້ອຍສາກົນ ແລະ ວັນປູກຕົ້ນໄມ້ແຫ່ງຊາດໃນວັນທີ 1 ມິຖຸນາ ນີ້, ລັດຖະບານຕັ້ງເປົ້າຈະກະກຽມເບ້ຍໄມ້ໃຫ້ໄດ້ 2,800,000 ເບ້ຍເພື່ອປູກໃນເຂດປ່າຊຸດໂຊມ, ດິນປອກໂລ້ນ, ດິນຫວ່າງ ແລະ ເຂດອື່ນໆ ເຊິ່ງແມ່ນຫນຶ່ງໃນຫລາຍຄວາມພະຍາຍາມເພື່ອຄືນຄວາມອຸດົມສົມບູນໃຫ້ປ່າໄມ້ ແລະ ຊີວະນາໆພັນ. ປັດຈຸບັນເນື້ອທີ່ປົກຫຸ້ມປ່າໄມ້ຢູ່ ສປປ ລາວມີປະມານ 47% ແຕ່ໃນອະນາຄົດລັດຖະບານຈະສູ້ຊົນເຮັດໃຫ້ເນື້ອທີ່ປ່າໄມ້ປົກຫຸ້ມໃຫ້ໄດ້ປະມານ 70% ແລະ ໃຫ້ຖືກຕາມທີດຂອງການພັດທະນາສີຂຽວ.
ຈາກຄວາມພະຍາຍາມດັ່ງນັ້ນພາກລັດໄດ້ເລັ່ງກວດສອບ ແລະ ເຂັ້ມງວດໂຄງການລົງທຶນທີ່ບໍ່ມີປະສິດທິຜົນ ຫລື ໃຫ້ຜົນຕອບແທນນອ້ຍແກ່ຍາວເວລາໂດຍສະເພາະການປູກຕົ້ນໄມ້ອຸດສາຫະກໍາເຊັ່ນ: ຢາງພາລາ, ໄມ້ເກດສະຫນາ, ປູກກ້ວຍຈໍານວນຫນຶ່ງ ແລະ ອຶ່ນໆ….
ຂ່າວຈາກ: ສຳນັກຂ່າວສານປະເທດລາວ