ວັນນີ້ເຮົາຈະມາແນະນຳສະໝຸນໄພທີ່ສາມາດກຳຈັດ ຂີ້ກາກ, ຂີ້ເຮື້ອນ, ຂີ້ກ້ຽນ ທີ່ມີຕາມຜິວໜັງໃນບໍລິເວນຮ່າງກາຍໃຫ້ຫາຍຂາດມາຝາກກັນ ຫາກໃຜບໍ່ຢາກເສຍເງິນໄປກັບການຊື້ຢາມາທາ ກໍ່ສາມາດເລືອກເອົາສູດໃດສູດໜຶ່ງໄປໃຊ້ໄດ້ເລີຍ
“ກະທຽມ” ປອກເປືອກກະທຽມແລ້ວຕຳໃຫ້ແຫຼກຈາກນັ້ນກໍ່ນຳມາທາໃສ່ບ່ອນທີ່ເປັນກາກ, ຂີ້ເຮື້ອນ,ຂີ້ກ້ຽນ ວັນລະ 2 ຄັ້ງ ຫຼັງຈາກຫາຍດີແລ້ວ ກໍ່ໃຫ້ທາຕໍ່ໄປຕື່ມອີກ 7-10ວັນ ຂີ້ກາກ, ຂີ້ເຮື້ອນກໍ່ຈະບໍ່ກັບມາຫາທ່ານເລີຍ
“ຫົວຂ່າ” ໃຊ້ຂ່າສົດຕຳແລ້ວໄປປະສົມກັບເຫຼົາບອງຢາ ຈາກນັ້ນກໍ່ເອົາມາທາບໍລິເວນທີ່ເປັນຂີ້ກາກ, ຂີ້ເຮື້ອນ,ຂີ້ກ້ຽນ
“ໃບຂີ້ເຫຼັກປ່າ” ໃບໄມ້ສົດຕຳໃຫ້ແຫຼກແລ້ວນຳໄປແຊ່ເຫຼົ້າຂາວໄວ້ປະມານ 3-5 ວັນ ໝັ່ນຄົນຢາທີ່ແຊ່ທຸກມື້ ຜ່ານໄປ 3-5 ວັນກໍ່ເອົານ້ຳທີ່ໝັກໄວ້ມາທາໃສ່ບໍລິເວນທີ່ເປັນຂີ້ກາກ, ຂີ້ເຮື້ອນ,ຂີ້ກ້ຽນ ວັນລະ 2-3 ເທື່ອ ຈົນກ່ວາຈະຫາຍດີ ຫຼື ບໍ່ດັ່ງນັ້ນກໍ່ນຳໃບຂີ້ເຫຼັກປ່າສົດມາຕຳໃຫ້ແຫຼກແລ້ວນຳມາທາໃສ່ບໍລິເວນທີ່ເປັນຂີ້ກາກ, ຂີ້ເຮື້ອນ,ຂີ້ກ້ຽນກໍ່ໄດ້