ຕອນແລງຂອງວັນທີ 7 ພຶດສະພາ 2016 ຜ່ານມານີ້, ທ່ານ ຫຼີ ບຸນຄ້ຳ ເອກອັກຄະລັດຖະ ທູດ ແຫ່ງ ສປປ ລາວ ປະຈຳລາ ຊະອານາຈັກໄທ ແລະທ່ານ ບຸນສີ ວົງບົວສີ ກົງສຸນໃຫຍ່
ແຫ່ງ ສປປ ລາວ ປະຈຳຂອນແກ່ນ ພ້ອມດ້ວຍ ອ້າຍເອື້ອຍນ້ອງພະນັກງານສະ ຖານທູດລາວທີ່ບາງກອກຈຳນວນ ໜຶ່ງໄດ້ເປັນກຽດເຂົ້າຮ່ວມງານ ສານສາຍສຳພັນວັດທະນະທຳປະ ເພນີ ໄທຊົງດຳ ຫຼື ໄທດຳ ປະຈຳປີ 2016 ຊຶ່ງຈັດຂຶ້ນເປັນຄັ້ງທີສອງ ໂດຍມູນນິທິໄທຊົງດຳ ແລະສະມາ ຄົມໄທດຳແຫ່ງປະເທດໄທຮ່ວມ ກັບສະຖາບັນວິໄຈພາສາ ແລະວັດທະນະທຳເອເຊຍ ຂອງມະຫາວິ ທະຍາໄລມະຫິດົນທີ່ມະຫາວິທະ ຍາໄລມະຫິດົນ, ວິທະຍາເຂດສາ ລາຍາ, ຈັງຫວັດນະຄອນປະຖົມ.
ຄະນະສະຖານທູດໄດ້ຮັບການ ຕ້ອນຮັບຢ່າງອົບອຸ່ນຈາກ ທ່ານ ສະໄຫວ ເພັດລຸນ, ປະທານສະມາ ຄົມໄທດຳແຫ່ງປະເທດໄທ ຕະ ຫຼອດຮອດພໍ່ແມ່ປະຊາຊົນຄົນໄທ ເຊື້ອສາຍໄທດຳທີ່ເຂົ້າຮ່ວມງານ ຢ່າງຫຼວງຫຼາຍ.
ໂອກາດນີ້ ທ່ານ ຫຼີ ບຸນຄ້ຳ ໄດ້ ໃຫ້ກຽດ ມີຄວາມເຫັນຕໍ່ພິທີ ໂດຍ ກ່າວສະແດງຄວາມຂອບໃຈຕໍ່ ການຕ້ອນຮັບອັນອົບອຸ່ນ, ສະແດງຄວາມຊົມເຊີຍຕໍ່ຄະນະຈັດງານ ແລະຕີລາຄາສູງການເຕົ້າໂຮມ ຄວາມສາມັກຄີຊ່ວຍເຫຼືອກັນຂອງຄົນເຊື້ອສາຍໄທດຳທີ່ມີຕົ້ນກຳ ເນີດສືບສາຍເຜົ່າພັນຈາກປະ ເທດລາວ, ຊົມເຊີຍການອະນຸຮັກ ແລະສົ່ງເສີມວັດທະນະທຳຮີດ ຄອງປະເພນີຂອງຊາວໄທດຳ ເອົາໄວ້ໄດ້ເປັນຢ່າງດີ, ຍັງບໍ່ລືມ ບັນພະບຸລຸດຕົ້ນກຳເນີດ, ຫວັງວ່າ ສິ່ງດີງາມເຫຼົ່ານີ້ຈະໄດ້ຮັບການ ສົ່ງເສີມໃຫ້ແພ່ຂະຫຍາຍຮອດເຊັ່ນ ລູກເຊັ່ນຫຼານສືບຕໍ່ໄປ.
ໃນງານດັ່ງກ່າວໂຄສົກເວທີ ແລະຜູ້ເຂົ້າຮ່ວມສ່ວນຫຼາຍແມ່ນ ເວົ້າພາສາສຳນຽງໄທດຳ, ມີການສະແດງສິລະປະຂອງພີ່ນ້ອງຄົນ ໄທເຊື້ອໄທດຳຈາກຈັງຫວັດ (ແຂວງ) ຕ່າງໆຢ່າງມ່ວນຊື່ນ, ຊຶ່ງສ່ອງແສງເຖິງການອະນຸຮັກ ການນຸ່ງຖື, ການຟ້ອນ-ຮ້ອງລຳ ແບບໄທດຳທີ່ອ່ອນຊ້ອຍງົດງາມ.
ຂ່າວຈາກ: ເສດຖະກິດ-ສັງຄົມ