ສຳນັກຂ່າວຕ່າງປະເທດ ລາຍງານໃນວັນທີ 13 ພຶດສະພານີ້ວ່າ ໃນມື້ວານນີ້ (12 ພຶດສະພາ) ກອງທັບເກົາຫລີໃຕ້ ໄດ້ດຳ​ເນີນ​ການ​ຊ້ອມ​ຮົບ​ທະຫານ​ລົດຕັງ​ ຢູ່​ເຂດ​ນ່ານນ້ຳທະ​ເລ​ຕິດ​ກັບຊາຍແດນຂອງເກົາຫລີເໜືອ ໂດຍມີ​ການນຳເອົາ​ລົດຕັງ K9 ຈຳນວນຫລາຍຄັນ ເຂົ້າຮ່ວມໃນການເຝິກຊ້ອມ.

​ເຈົ້າ​ໜ້າ​ທີ່​ກອງທັບ​ເກົາຫລີໃຕ້ ໄດ້​ໃຫ້​ຮູ້​ວ່າ ກຳລັງທະຫານ​ເຮືອ​ສູ້​ຮົບ​ທາງບົກ ໄດ້​ປະຕິບັດ​ການ​ຊ້ອມ​ຮົບ​ດັ່ງກ່າວ ​ໃນ​ເ​ວລາ ​ປະມານ 1 ຊົ່ວ​ໂມງ ​ເລີ່​ມ​ແຕ່ເວລາ 16 ​ໂມງ (ຕາມ​ເວລາ​ທ້ອງ​ຖິ່ນ) ຢູ່​ໝູ່ເກາະ Baengnyeong ​ແລະ Yeonpyeong ໂດຍບັນດາ​ກຳ​ລັງ​ທະຫານທີ່ເຂົ້າ​ຮ່ວມ​​ຊ້ອມ​ຮົບ ​ໄດ້​ຍິງ​ລູກປືນ​ໃຫຍ່ຈາກລົດຕັງ K9 ປະມານ 400 ລູກ ​ແລະ ໄດ້ຍິງລູກສອນໄຟ ໄປ​ທາງ​ທິດໃຕ້​ຕາມ​ເສັ້ນ​ຊາຍ​ແດນທະ​ເລ.

ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!