ໃນໄລຍະນີ້ສະຖານະການທາງດ້ານການເມືອງຂອງປະເທດຫວຽດແລະຈີນກຳລັງຮ້າຍແຮງຫຼາຍ ແລະມັນອາດຈະສົ່ງຜົນກະທົບຕໍ່ສິນຄ້າຫຼາຍໆຢ່າງຂອງ Foxconn ລວມໄປເຖິງ Apple iPhone ລຸ້ນໃໝ່ທີ່ກຳລັງຢູ່ໃນຂະບວນການຜະລິດ ໃນຂະນະນີ້
ເລື່ອງລາວຂອງເລື່ອງມີຢູ່ວ່າກ່ອນໜ້ານີ້ຈີນໄດ້ເຮັດການຂຸດເຈາະນ້ຳມັນໃນເຂດຂອງເກາະພາຣາເຊວ (Paracel Island) ທີ່ຢູ່ໃນທະເລຈີນໃຕ້ (South China Sea) ບັນຫາດັ່ງກ່າວນັ້ນກໍຄືເກາະດັ່ງກ່າວເຖິງວ່າຈະຢູ່ພາຍໃຕ້ການປົກຄອງຂອງສາທາລະນະລັດປະຊາຊົນຈີນ ແຕ່ວ່າຄວາມເປັນຈິງແລະເກາະດັ່ງກ່າວນັ້ນໄດ້ຖືກໄຕ້ຫວັນ,ຫວຽດນາມແລະຈີນ ຢືນຢັນເອົາວ່າເປັນຂອງຕົ້ນ ຄ້າຍໆກັບເກາະບາງເກາະທີ່ຖືກທັງຍີ່ປຸ່ນແລະເກົາຫຼີ ຢືນຢັຍ່າເປັນຂອງຕົນເອງ
ເມື່ອຈີນເຮັດການຂຸດເຈາະນ້ຳມັນໃກ້ພື້ນທີ່ດັ່ງກ່າວ ຈຶ່ງເກີດກະແສຕ້ານຈີນຂຶ້ນ ໂດຍມີການປະທ້ວງຈຳນວນຫຼາຍເກີດຂຶ້ນໃນຫວຽດນາມ ໂດຍການປະທ້ວງຄັ້ງນີ້ໄດ້ສົ່ງຜົນກະທົບກັບ Nike, Adidas, Walmart ໄປແລ້ວຮຽບຮ້ອຍ ໂດຍທັງສາມບໍລິສັດໄດ້ປະກາດສັ່ງລະງັບການຜະລິດແລະລາຍຕໍ່ໄປກໍຄື Foxconn ນັ້ນເອງ ໂດຍມີເຫດຜົນວ່າ: ການລະງັບການເຮັດວຽກຂອງບໍລິສັດນັ້ນກໍເພື່ອຄວາມປອດໄພນັ້ນເອງ
ໃນຄວາມຮຸນແຮງຄັ້ງນີ້ມີການລາຍງານແລ້ວວ່າມີຜູ້ເສຍຊີວິດຫຼາຍກວ່າ 21 ຄົນ ຫວັງວ່າຄວາມຮຸນແຮງດັ່ງກ່າວນີ້ຈະຈົບລົງໃນໄວໆນີ້ ບໍ່ໄດ້ແມ່ນເພາະສົ່ງຜົນກະທົບຕໍ່ການຜະລິດຂອງ iPhone ແຕເປັນເພາະຄວາມຮຸນແຮງບໍ່ເຄີຍສົ່ງຜົນດີໃຫ້ແກ່ໃຜນັ້ນເອງ
ທີ່ມາ: Cult of Mac