ພັດທະນາການກ້າວກະໂດດຂອງເຕັກໂນໂລຊີໃນບາງຈັງຫວະນັ້ນກໍເປັນເລື່ອງທີ່ບໍ່ຕອບສະໜອງກັບເງິນໃນກະເປົາຂອງເຮົາຜູ້ທີ່ເປັນຄົນຊົມໃຊ້ເທົ່າໃດ ແລະເຖິງວ່າໜ້າຈໍມືຖືຄວາມລະອຽດຫຼ້າສຸດທີ່ລະດັບ WQHD ຫຼືໜ້າຈໍ 2K ນີ້ກຳລັງຈະເລີ່ມວາງຈຳໜ່າຍໃນຊ່ວງເຄິ່ງປີຫຼັງຈາກຫຼາຍໆບໍລິສັດຜູ້ຜະລິດ ເຊິ່ງສາມາດເຮັດຄວາມລະອຽດໄດ້ສູງສຸດ 540 ພິກເຊວຕໍ່ຕາຕະລາງນິ້ວແລ້ວກໍຕາມ ເພີ່ມຂຶ້ງມາ 200 ພິກເຊວນັບຕັ້ງແຕ່ໂລກຂອງ Android ກ້າວສູ່ຍຸກ HD ເມື່ອສອງປີທີ່ຜ່ານມານີ້

ແຕເບິ່ງຄືວ່າພັດທະນາການໃໝ່ໆ ຍັງຄົງເກີດຂຶ້ນມາຢ່າງຕໍ່ເນື່ອງ ໂດຍຫຼ້າສຸດນີ້ຜູ້ຜະລິດໜ້າຈໍຍັກໃຫຍ່ຈາກຍີ່ປຸ່ນ Sharp ໄດ້ປະກາດຄວາມພ້ອມສຳລັບສາຍການຜະລິດໜ້າຈໍອຸປະກອນພົກພາລຸ້ນໃໝ່ສຳລັບການສະແດງຜົນໄດ້ລະອຽດສູງສຸດໃນລະດັບ 600 ພິກເຊວຕໍ່ຕາຕະລາງນິ້ວສຳລັບຂະໜາດໜ້າຈໍສະເລ່ຍ 5.5 ນິ້ວ ແລະຕາມມາດ້ວຍຂະໜາດໜ້າຈໍລະຫວ່າງ 7 ຈົນເຖິງ 9 ນິ້ວ ສຳລັບອຸປະກອນປະເພດແທັບເລັດທີ່ມີຄວາມເປັນໄປໄດ້ຢ່າງສູງວ່າຈະມີຄວາມລະອຽດໃນລະດັບ 2160 x 3840 ພິກເຊວ ຫຼື 4K ກັນເລີຍ (2K ບໍ່ທັນໄດ້ໃຊ້ຊ້ຳ 4K ຈະອອກມາລະອຸກໃຈຂະໜາດ)

ນອກຈາກນັ້ນແລ້ວ Sharp ຍັງພະຍາຍາມຊຸກຍູ້ໜ້າຈໍເຕັກໂນໂລຊີ IGZO ສຳລັບຕະຫຼາດມືຖືລະດັບກາງໃຫ້ຫຼາຍຂຶ້ນເຊັ່ນດຽວກັນ ຄວາມເປັນໄປໄດ້ທີ່ຈະນຳໄປໃຊ້ໃນອຸປະກອນປະເພດສວມໃສ່ ແຕ່ເຕັກໂນໂລຊີດັ່ງກ່າວນີ້ຍັງມີຂໍ້ຈຳກັດໃນເລື່ອງຂອງຄວາມລະອຽດທີ່ຍັງເຮັດໄດ້ພຽງແຕ່ 300 ພິກເຊວຕໍ່ຕາຕະລາງນິ້ວເທົ່ານັ້ນ

ທີ່ມາ: androidauthority