ວັນ​ທີ 11 ພຶດສະພາ​ນີ້, ກະຊວງ​ອຸດສາຫະກຳ ​ແລະ ການ​ຄ້າ​ ໄດ້​ອອກ​ແຈ້ງ​ການ​ ສະບັບ​ເລກທີ 08646/ອຄ. ຄພນ ເພື່ອປັບ​ຂຶ້ນ​ລາຄາ​ນ້ຳມັນ​ເຊື້ອ​ໄຟ​ ຂາຍຍ່ອຍ​ໃນ​ທົ່ວ​ປະ​ເທດ​ຄື: ຢູ່​ນະຄອນຫຼວງວຽງ​ຈັນ ລາຄາ​ນ້ຳມັນ​ແອັດ​ຊັງ​ພິ​ເສດ​ປັບ​ຂຶ້ນ 280 ກີບ/ລິດ (ຈາກ 7.610 ກີບ/ລິດ ເປັນ 7.890 ກີບ/ລິດ), ​ແອັດຊັງ​ທຳ​ມະ​ດາປັບ​ຂຶ້ນ 270 ກີບ/ ລິດ (ຈາກ 6.640 ກີບ/ລິດ ເປັນ 6.910 ກີບ/ລິດ), ນ້ຳມັນ​ກະຊວນປັບ​ຂຶ້ນ 270 ກີບ/ລິດ (ຈາກ 5.300 ກີບ/ລິດ ຂຶ້ນເປັນ 5.570 ກີບ/ລິດ).

ສ່ວນບັນດາແຂວງຕ່າງໆໃນທົ່ວປະເທດ ລາຄານ້ຳມັນແອັດຊັງພິເສດສູງສຸດ 8.350 ກີບ/ລິດ (ແຂວງຫຼວງພະບາງ) ແລະ ຕ່ຳສຸດ 7.890 ກີບ/ ລິດ (ນະຄອນຫຼວງວຽງຈັນ), ສ່ວນລາຄານ້ຳມັນແອັດທຳມະດາ ສຸງສຸດ 7.640 ກີບ/ລິດ (ແຂວງຜົ້ງສາລີ) ແລະ ຕ່ຳສຸດ 6.910 ກີບ/ລິດ (ແຂວງວຽງຈັນ), ນ້ຳມັນກາຊວນ ລາຄາສູງສຸດ 6.300 ກີບ/ລິດ (ແຂວງຜົ້ງສາລີ) ແລະ ຕ່ຳສຸດ 5.570 ກີບ/ລິດ (ນະຄອນຫຼວງວຽງຈັນ ແລະ ແຂວງວຽງຈັນ), ສຳລັບການປັບຂຶ້ນລາຄານ້ຳມັນຄັ້ງໃໝ່ນີ້ ມີຜົນມາແຕ່ 6​​ ໂມງ​​ເຊົ້າ​ ຂອງ​ວັນ​ທີ 12 ​ພຶດສະພາ 2016 ນີ້​ເປັນ​ຕົ້ນ​ໄປ,​ ໂດຍ​ໃຫ້ພາກສ່ວນ​ກ່ຽວຂ້ອງ ​ແລະ ຜູ້​ປະກອບ​ກາ​ນ ທັງ​ຢູ່​ນະຄອນຫຼວງ​ວຽງ​ຈັນ ​ແລະ ບັນດາ​ແຂວງ​ຈົ່ງ​ປະຕິບັດ​ຕາມ​ຢ່າງ​ເຂັ້ມ​ງວດ.

ແຫລ່ງຂ່າວ:

ສຳຫຼັບທ່ານທີ່ຮັກສຸຂະພາບ ຕິດຕາມເລື່ອງດີດີ ກົດໄລຄ໌ເລີຍ!