ສຳນັກຂ່າວຕ່າງປະເທດ ລາຍງານໃນວັນທີ 11 ພຶດສະພາຜ່ານມານີ້ວ່າ ກອງທັບອີຣັກ ສາມາດປົດປ່ອຍພື້ນທີ່ດິນແດນ ທີ່ຖືກກຸ່ມລັດອິດສະລາມ ຫລື ໄອເອັສຍຶດຄອງ ໄດ້ປະມານ 2/3 ແລ້ວ ຫລັງຈາກທີ່ກຸ່ມດັ່ງກ່າວ ບຸກໂຈມຕີເຂົ້າຍຶດພື້ນທີ່ອັນກວ້າງຂວາງ ທາງພາກເໜືອ ແລະ ພາກຕາເວັນຕົກຂອງປະເທດ ຕັ້ງແຕ່ປີ 2014 ເປັນຕົ້ນມາ.
ແຫລ່ງຂ່າວໄດ້ລະບຸວ່າ ກຸ່ມໄອເອັສຊຶ່ງຍຶດຄອງຕາມເມືອງ ແລະ ແຂວງຕ່າງໆຂອງອີຣັກ ໄດ້ຫລຸດໜ້ອຍລົງ ຈາກເມື່ອກ່ອນທີ່ຍຶດຄອງດິນແດນອີຣັກ ປະມານ 40% ຮອດປັດຈຸບັນນີ້ ແມ່ນເຫລືອພຽງແຕ່ 14% ເທົ່ານັ້ນ, ແນວໃດກໍຕາມ ກຸ່ມໄອເອັສ ຍັງຄົງສາມາດລົງມືໂຈມຕີນອງເລືອດ ໃນຫລາຍພື້ນທີ່ທົ່ວປະເທດ ຊຶ່ງຫລ້າສຸດໃນມື້ວານນີ້ (11 ພຶດສະພາ) ກຸ່ມດັ່ງກ່າວ ກໍໄດ້ກໍ່ເຫດລະເບີດຂ້າຕົວຕາຍ ໂຈມຕີເມືອງຫລວງແບກແດດຂອງອີຣັກ ເຮັດໃຫ້ມີຜູ້ເສຍຊີວິດຢ່າງໜ້ອຍ 52 ຄົນ ແລະ ບາດເຈັບອີກກວ່າ 78 ຄົນ.
ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!