ສຳນັກຂ່າວຜູ້ຈັດການອອນລາຍຂອງໄທ ລາຍງານໃນວັນທີ 11 ພຶດສະພານີ້ວ່າ ສະຫະລັດອາເມຣິກາ ໄດ້ອອກມາປະນາມລັດຖະບານໄທ ກ່ຽວກັບກໍລະນີການຈັບກຸມ ນາງ ພັດນະຣີ ຊານກິດ ອາຍຸ 40 ປີ ໃນຂໍ້ຫາລະເມີດກົດໝາຍ ດູໝິ່ນສະຖາບັນພຣະມະຫາກະສັດຂອງໄທ ທີ່ອາດຖືກສານຕັດສິນ ຕັດອິດສະຫລະພາບ ດົນເຖິງ 15 ປີ ຍ້ອນຂຽນຄຳເຫັນສົນທະນາທາງເຟສບຸກ ວິພາກວິຈານບຸກຄົນໃນຣາຊະວົງຂອງໄທ ໂດຍລະບຸວ່າ ສະຫະລັດຯ ຊຶ່ງເປັນພັນທະມິດອັນເກົ່າແກ່ຂອງໄທ ສະແດງຄວາມບໍ່ພໍໃຈຢ່າງຍິ່ງ ຕໍ່ການກະທຳຂອງລັດຖະບານໄທ ແລະ ປະນາມການກະທຳຂອງລັດຖະບານ ໃນການຄວບຄຸມຕົວຜູ້ຖືກຫາຄັ້ງນີ້ ໂດຍການກະທຳດັ່ງກ່າວ ເປັນການສ້າງບັນຍາກາດຂອງການຂົ່ມຂູ່ ແລະ ຮູ້ສຶກກັງວົນ ຕໍ່ກັບພັນທະສາກົນ ໃນການປົກປ້ອງອິດສະຫລະພາບ ໃນການສະແດງອອກຂອງໄທອີກດ້ວຍ.

 
ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!