ຖືວ່າຫ່າງຫາຍກັນໄປດົນໃນວົງການບັນເທີງເພງບ້ານເຮົາ ສຳລັບສາວຄົນເກັ່ງສຽງດີ ແລະ ມີຫຼາຍຄວາມສາມາດຢ່າງ ສາວຕຸລີ່ ບິດາລັກ ທີ່ເຄີຍຝາກຜົນງານເພງມ່ວນໆ ດັງໆຫຼາຍເພງໃນອະດີດ ເຊັ່ນ: ເພງ ເຈັບບໍ່ຈຳ ແລະ ອີກຫຼາຍເພງ
ມື້ນີ້ບັນເທີງດາລາ ກັບລາວໂພສຕ໌ ເຮົາເລີຍມີຂ່າວສາວ ຕຸລີ່ ມາຝາກແຟນໆໃຫ້ຫາຍຄິດຮອດ ເພາະ ໃນວັນທີ 10 / 5 / 2016 ທີ່ຫໍພິພິດຕະພັນແຫ່ງຊາດ ແຂວງຫລວງພະບາງ ສາວຕຸລີ່ ບິດາລັກ ຖືກແຕ່ງຕັ້ງໃຫ້ເປັນ ທູດວັດທະນະທຳການທ່ອງທ່ຽວ ໂຄງການອະນຸລັກປົກປັກຮັກສາເມືອງຫລວງພະບາງ ເພື່ອການທ່ອງທ່ຽວແບບຢືນຍົງ
ໂດຍໂຄງການ GIZ ການຮ່ວມມືລາວ-ເຢຍລະມັນ ແລະ ສະຫະພັນເອີຣົບ
ບອກໄດຄຳດຽວວ່າສາວຄົນນີ້ບໍ່ທຳມະດາ ທາງທີມງານຂໍສະແດງຄວາມດີໃຈ ແລະ ຂໍສົ່ງກຳລັງໃຈໃຫ້ ສາວຕຸລີ ເຮັດໜ້າທີ່ເປັນທູດວັດທະນະ ນຳສີລະປະວັດທະນະທຳລາວ ອອກໄປເຜີຍແຜ່ໃຫ້ຊາວໂລກໄດ້ເຫັນຢ່າງເຕັມທີ່