ສະຖານີວິທະຍຸໃນລັດບາວາເຣຍ ທາງຕາເວັນອອກສຽງໃຕ້ຂອງເຢຍລະມັນລາຍງານວ່າ ເກີດເຫດຊາຍຄົນໜຶ່ງໄລ່ແທງຜູ້ໂດຍສານທີ່ສະຖານີລົດໄຟແຫ່ງໜຶ່ງຊ່ວງເຊົ້າມື້ນີ້ຕາມເວລາທ້ອງຖິ່ນ ມີຜູ້ບາດເຈັບອາການສາຫັດ 4 ຄົນ.

ລາຍງານລະບຸວ່າ ຕຳຫຼວດກຳລັງກວດສອບຕາມທີ່ມີຜູ້ເຫັນເຫດການອ້າງວ່າ ໄດ້ຍິນຊາຍຄົນນັ້ນຮ້ອງສັນລະເສີນພະເຈົ້າລະຫວ່າງໄລ່ແທງຜູ້ຄົນ ມືມີດຖືກຕຳຫຼວດຈັບກຸ່ມແລ້ວ ແລະ ເຫຍື່ອທັງ 4 ຄົນລ້ວນເປັນຜູ້ຊາຍ ດ້ານຕຳຫຼວດລັດບາວາເຣຍ ເຜີຍກັບສຳນັກຂ່າວເອເອຟພີວ່າ ເຫດເກີດເມື່ອເວລາ 03:00 ໂມງ ມື້ນີ້ ຕາມເວລາມາດຕະຖານສາກົນ ກັງກັບເວລາ 10:00 ໂມງມື້ນີ້ຕາມເວລາບ້ານເຮົາທີ່ເມືອງກຣາຟິງ ທາງຕາເວັນອອກຂອງເມືອງມິວນິກ ເມືອງເອກຂອງລັດ ຜູ້ຕົກເປັນເຫຍື່ອ 2 ຄົນບາດເຈັບສາຫັດ ອີກຄົນອາການໜັກເຖິງຊີວິດ.