ຂປລ. ເມືອງຈຳພອນ ແຂວງສະຫວັນນະເຂດ ໄດ້ຈັດພິທີປະກາດການຈັດຕັ້ງ ກຸ່ມທຸລະກິດໂຮງແຮມ, ເຮືອນພັກ, ຮ້ານກິນດື່ມ ແລະ ຮ້ານອາຫານ ໂດຍໄດ້ແຕ່ງຕັ້ງ ທ່ານ ທອງສວຍ ວົງພານິດ ເປັນປະທານກຸ່ມ ແລະ ແຕ່ງຕັ້ງ ທ່ານ ເປ ພິມມະສອນ, ທ່ານ ນາງ ບຸນທະວີ ອິນຊີຊຽງໄໝ່ ແລະ ທ່ານ ສົມໃຈ ຄົມລັດສະໜີ ເປັນຮອງປະທານກຸ່ມ.
ເຂົ້າຮ່ວມ ໃນພິທີຄັ້ງນີ້, ມີ ທ່ານ ສຸດທິ ຜີວສຸລິຍະມາດ ຮອງເຈົ້າເມືອງຈຳພອນ ແລະ ທ່ານ ລຳດວນ ເມືອງມະນີ ຫົວໜ້າຫ້ອງການ ຖວທ ເມືອງ, ມີບັນດາຫົວໜ້າ-ຮອງຫົວ ໜ້າຫ້ອງການ ພ້ອມດ້ວຍນັກທຸລະກິດ ໃນກຸ່ມດັ່ງກ່າວເຂົ້າຮ່ວມ. ໂດຍມີຈຸດປະສົງ ເພື່ອເສີມຂະຫຍາຍພາລະບົດບາດ ການເຕົ້າໂຮມຄວາມສາມັກຄີ, ການຊ່ວຍເຫລືອເຊິ່ງກັນ ແລະ ກັນ, ການຊຸກຍູ້ສົ່ງເສີມຫົວໜ່ວຍທຸລະກິດ ໃຫ້ສາມາດດຳເນີນທຸລະກິດ ໄດ້ຢ່າງມີປະສິດທິພາບ ແລະ ຖືກຕ້ອງຕາມກົດໝາຍ.
ແຫລ່ງຂ່າວ:
ຕິດຕາມເລື່ອງດີດີເພຈທ່ຽວເມືອງລາວ Laotrips ກົດໄລຄ໌ເລີຍ!