ຂປລ. ໃນວັນທີ 9 ພຶດສະພາ 2016 ນີ້ ຢູ່ນະຄອນຫລວງວຽງຈັນ, ກະຊວງປ້ອງກັນປະເທດ ໄດ້ຈັດພິທີມອບ-ຮັບ ໜ້າທີ່ໃໝ່ ລະຫວ່າງ ທ່ານ ພົນໂທ ແສງນວນ ໄຊຍະລາດ ລັດຖະມົນຕີກະຊວງປ້ອງກັນປະເທດ (ຜູ້ເກົ່າ) ແລະ ທ່ານ ພົນໂທ ຈັນສະໝອນ ຈັນຍາລາດ ລັດຖະມົນຕີກະຊວງປ້ອງກັນປະເທດ (ຜູ້ໃໝ່) ໂດຍການໃຫ້ກຽດເຂົ້າຮ່ວມຂອງ ທ່ານ ບຸນຍັງ ວໍລະຈິດ ປະທານປະເທດແຫ່ງ ສປປ ລາວ, ພ້ອມນີ້ ຍັງມີບັນດາຮອງ ລັດຖະມົນຕີ, ບັນດາຄະນະນຳ ກະຊວງດັ່ງກ່າວ, ພະນັກງານ ແລະ ແຂກຖືກເຊີນ.
ການມອບ-ຮັບໜ້າທີ່ໃໝ່ໃນຄັ້ງນີ້ ເປັນໄປຕາມການປັບປຸງ ກົງຈັກການຈັດຕັ້ງຂອງລັດຖະບານ ເຊິ່ງຜ່ານການເຫັນດີຈາກ ກອງປະຊຸມຄັ້ງປະຖົມມະລຶກ ຂອງສະພາແຫ່ງຊາດ ຊຸດທີ VIII ທີ່ໄດ້ແຕ່ງຕັ້ງ ທ່ານ ພົນໂທ ແສງນວນ ໄຊຍະລາດ ເປັນຮອງປະທານສະພາແຫ່ງຊາດ ແລະ ທ່ານ ພົນໂທ ຈັນສະໝອນ ຈັນຍາລາດ ເປັນລັດຖະມົນຕີ ກະຊວງປ້ອງກັນປະເທດ. ທັງນີ້ເພື່ອສືບຕໍ່ຊີ້ນຳນຳພາ ວຽກງານປ້ອງກັນຊາດ ໃຫ້ດີຂຶ້ນເລື້ອຍໆ.
ແຫລ່ງຂ່າວ:
ຕິດຕາມເລື່ອງດີດີເພຈທ່ຽວເມືອງລາວ Laotrips ກົດໄລຄ໌ເລີຍ!