ສຳນັກຂ່າວຕ່າງປະເທດ ລາຍງານໃນວັນທີ 9 ພຶດສະພານີ້ວ່າ ນັກບູຮານຄະດີຈີນ, ສະຫະລັດອາເມຣິກາ ແລະ ເກົາຫລີໃຕ້ ໄດ້ຢືນຢັນວ່າ ພົບຮອຍຕີນໄດໂນເສົາ ທີ່ມີຂະໜາດນ້ອຍທີ່ສຸດໃນໂລກ ຢູ່ແຂວງເສສວນ ທາງພາກຕາເວັນຕົກສຽງໃຕ້ຂອງປະເທດຈີນ ໂດຍຮອຍຕີນທີ່ພົບ ແມ່ນມີຄວາມຍາວປະມານ 2 ຊັງຕີແມັດເທົ່ານັ້ນ ມີອາຍຸຫລາຍກວ່າ 140 ລ້ານປີຜ່ານມາ ຊຶ່ງເປັນຮອຍຕີນໄດໂນເສົາ ທີ່ມີຂະໜາດນ້ອຍທີ່ສຸດ ເທົ່າທີ່ເຄີຍມີການຄົ້ນພົບມາ, ບັນດານັກວິທະຍາສາດ ພາກັນເອີ້ນຮອຍຕີນດັ່ງກ່າວນີ້ວ່າ Minisauripus.
ດ້ານເຈົ້າໜ້າທີ່ບູຮານຄະດີຈີນປະຈຳຢູ່ທ້ອງຖິ່ນດັ່ງກ່າວ ໄດ້ອອກມາລາຍງານວ່າ ມີການຄົ້ນພົບຮອຍຕີນແບບດຽວກັນນີ້ ຫລາຍກວ່າ 100 ຮອຍ ໃນເຂດບໍ່ແຮ່ຂອງເມືອງ ແຕ່ການສະຫງວນ ແລະ ຮັກສາໄວ້ນັ້ນ ເປັນເລື່ອງທີ່ຍາກຫລາຍ ເນື່ອງຈາກຖືກຜົນກະທົບຈາກການຂຸດຄົ້ນບໍ່ແຮ່.
ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!