ລາຄານໍ້າມັນດິນປັບຂຶ້ນອີກໃນຕະຫຼາດອາຊີມື້ນີ້ ຂະນະທີ່ສະຖານະການໄຟປ່າກະທົບການຜະລິດໃນການາດາ ແລະ ຂ່າວການປັບປ່ຽນຕຳແໜ່ງລັດຖະມົນຕີກະຊວງນໍ້າມັນຊາອຸດິອາຣະບີ.
ສຳນັກຂ່າວຕ່າງປະເທດລາຍງານວ່າ ລາຄານໍ້າມັນດິນດັບເບິນຢູທີໄອ ງວດເດືອນມິຖຸນາປັບຂຶ້ນ 75 ເຊັນ ເປັນ 45,41 ໂດລາຕໍ່ບາເຣລ ສ່ວນນໍ້າມັນດິນເບຣນທະເລເໜືອປັບຂຶ້ນ 51 ເຊັນ ເປັນ 45,77 ໂດລາ ກ່ອນໜ້ານີ້ຊາອຸດິອາຣະບີ ຊຶ່ງເປັນຜູ້ສົ່ງອອກນໍ້າມັນລາຍໃຫຍ່ທີ່ສຸດຂອງອົງການກຸ່ມປະເທດຜູ້ສົ່ງອອກນໍ້າມັນ (ໂອເປັກ) ໄດ້ປັບປ່ຽນຕຳແໜ່ງທ່ານ ອາລີ ອັລໄນມີ ຊຶ່ງຢູ່ໃນຕຳແໜ່ງລັດຖະມົນຕີກະຊວງນໍ້າມັນມາ 2 ທົດສະວັດ ໃຫ້ ທ່ານ ຄາລິດ ອັລຟາລີ ປະທານບໍລິສັດນໍ້າມັນລາຍໃຫຍ່ຂອງລັດ ແລະ ພະຫະສະຫາຍຄົນສະໜິດຂອງເຈົ້າຊາຍໂມຮັມເໝັດ ບິນ ຊັລມານ ມົງກຸດຣາຊກຸມມານຊາອຸດິອາຣະບີ ຊຶ່ງຄວບຄຸມດ້ານນະໂຍບາຍເສດຖະກິດ, ນັກວິເຄາະດ້ານຕະຫຼາດນໍ້າມັນ ແລະ ກາຊ ກ່າວວ່າ ປະຈຸບັນທັງໄຟປ່າການາດາທີ່ສົ່ງຜົນຕໍ່ແຫຼ່ງຜະລິດນໍ້າມັນ ຂ່າວການປ່ຽນຕຳແໜ່ງລັດຖະມົນຕີນໍ້າມັນຊາອຸດິອາຣະບີທີ່ມີອິດທິພົນ ແລະ ຕົວເລກເສດຖະກິດຈີນທີ່ຍັງອ່ອນແອເປັນແຮງກົດດັນຕໍ່ລາຄານໍ້າມັນ.