ຫາກເວົ້າເຖິງ ສະເປີມ ຫຼື ເຊື້ອອະສຸຈິ ແລ້ວ ໜຸ່ມໆອາດຈະຮູ້ກັນດີຢູ່ແລວວ່າ ສະເປີມເປັນຂອງແຫລວຈາກຮ່າງກາຍທີ່ເປັນສ່ວນສຳຄັນໃນການມີລູກທີ່ສຸດ ແຕ່ເຊື່ອເລີຍວ່າມີຜູ້ຊາຍຈຳນວນຫຼາຍທີ່ຍັງບໍ່ຮູ້ວ່າສະເປີມ ມີປະໂຫຍດດ້ານອື່ນໆອີກດ້ວຍ.

ຊ່ວຍຫລຸດຜ່ອນຄວາມຄຽດໃຫ້ກັບແມ່ຍິງໄດ້ 

ຜົນການສຶກສາທີ່ໜ້າສົນໃຈຂອງມະຫາວິທະຍາໄລ ນິວຢອກ (The State University of New York) ເຜີຍວ່າ ສາວໆທີ່ໄດ້ຮັບເຊື້ອອະສຸຈິເຂົ້າຮ່າງກາຍໂດຍກົງຜ່ານການຮ່ວມເພດກັບຄົນຮັກແບບບໍ່ໃສ່ຖົງຢາງ ຈະມີຄວາມສຸກຫຼາຍຂຶ້ນ ນອນລັບງ່າຍຂຶ້ນ ແລະ ຊ່ວຍຜ່ອນຄາຍຄວາມຄຽດໄດ້ ເນື່ອງຈາກສະເປີມຊ່ວຍໃຫ້ຮ່າງກາຍຂອງຜູ້ຍິງເລັ່ງການຜະລິດສານເຊໂຣໂທນິນ ແລະ ຮໍໂມນອອກຊີໂທຊິນ ນັ້ນເອງ

ສະເປີມຊ່ວຍເພີ່ມໂອກາດໃນການມີລູກ

ຄະນະວິທະຍາສາດຈາກ University of Saskatchewan ໃນປະເທດແຄນນາດາ ພົບໂປຣຕິນຊະນິດໜຶ່ງໃນສະເປີມທີ່ເຮັດໜ້າທີ່ຄ້າຍຮໍໂມນສຳຄັນຕໍ່ສະໝອງຂອງສາວໆ ເພື່ອເລັ່ງການຕົກໄຂ່ໃຫ້ໄວຂຶ້ນກ່ວາເດີມ ເພາະເມື່ອມີເພດສຳພັນນາງຈະມີໂອກາດຖືພາໄດ້ສູງ

ຕົວອະສຸຈິມີຊີວິດຢູ່ໄດ້ບໍ່ດົນ 

ຜູ້ຊາຍບາງຄົນອາດຄິດວ່າເຊື້ອອະສຸຈິຂອງຕົວເອງສາມາດມີຊີວິດຢູ່ໄດ້ຫຼາຍມື້ ແຕ່ໃນຄວາມເປັນຈິງແລ້ວ ເມື່ອທ່ານລັ່ງອະສຸຈິເຂົ້າສູ່ຮ່າງກາຍແມ່ຍິງ ສະເປີມ ປະມານ 300-500ລ້ານຕົວທີ່ຢູ່ໃນນ້ຳອະສຸຈິຈະຕາຍພາຍໃນ 1 ຊົ່ວໂມງ ເພາະຖືກຂ້າໂດຍກົດ ແລະ ລະບົບພູມຄຸ້ມກັນຂອງແມ່ຍິງ ຈາກນັ້ນຈະເຫຼືອຕົວສະເປີມພຽງ 5-10 ຕົວເທົ່ານັ້ນທີ່ຈະເຂົ້າໄປປະຕິສົນທີກັບໄຂ່ໄດ້

ສະເປີມໃຊ້ປະກອບອາຫານໄດ້

ຟັງແລ້ວຫຼາຍຄົນອາດຮູ້ສຶກປວດຮາກ ແລະ ບໍ່ເຊື່ອວ່າສະເປີມສາມາດນຳມາປະກອບອາຫານໄດ້ແທ້ ແຕ່ບອກເລີຍວ່າ ນີ້ແມ່ນເລື່ອງຈິງ ຈົນເຖິງຂັ້ນມີໜັງສືສູດອາຫານຈາກ ສະເປີມ ເຊິ່ງໜັງສືມີຊື່ວ່າ “Natural Harvest – A Collection of Semen-Based Recipes” ຂຽນໂດຍ Paul ‘Fotie’ Photenhauer ນັກຂຽນໜຸ່ມຊາວເຢຍລະມັນ ເຊິ່ງມີຕົວຢ່າງອາຫານທີ່ໃຊ້ສະເປີມເປັນສ່ວນປະສົມເຊັ່ນ: ຊອສບາບີຄິວ ແລະ ຄາຣາເມລ ລມທັງໃຊ້ປະສົມກັບເຄື່ອງດື່ມໄດ້ອີກຕ່າງຫາກ

ສະເປີມດີຕໍ່ສຸຂະພາບຜິວ

ເນື່ອງຈາກໃນສະເປີມອຸດົມໄປດ້ວຍແຮ່ທາດຫຼາຍ ບໍ່ວ່າຈະເປັນສັງກະສີ, ວິຕາມິນຊີ, ສານພອສຕາແກລນດິນ, ຄໍລາເຈນ ແລະ ກົດອະມິໂນ ເຊິ່ງລ້ວນແຕ່ມີຄຸນປະໂຫຍດຕໍ່ສຸຂະພາບຜິວທັງນັ້ນ ໂດຍທາງ  Bioforskning ບໍລິສັດເຄື່ອງສຳອາງປະເທດ ນໍເວ ໄດ້ນຳສານສະກັດຈາກ ສະເປີມມາເຮັດເປັນຄີມບຳລຸງຜິວໜ້າ ພ້ອມບອກວ່າຄີມດັ່ງກ່າວຊ່ວຍເຮັດໃຫ້ຜິວໜຸ່ມຂຶ້ນເຖິງ 20%

ຍິ່ງລັ່ງນ້ຳອະສຸຈິຫຼາຍເທົ່າໃດ ສະເປີມກໍ່ຈະມີຄຸນນະພາບຫຼາຍເທົ່ານັ້ນ

ງານວິໄຈເຜີຍວ່າ ການລັ່ງອະສຸຈິເປັນປະຈຳບໍ່ວ່າຈະເຮັດໂດຍການຮ່ວມເພດ ຫຼື ຊ່ວຍຕົວເອງ ຈະຊ່ວຍໃຫ້ຕົວສະເປີມແຂງແຮງຂຶ້ນ ແຖມຊ່ວຍຫລຸດຄວາມສ່ຽງຂອງການເປັນໂຣກກ່ຽວກັບຕ່ອມລູກໝາກອີກດ້ວຍ

 ສະເປີມມີປະໂຫຍດຕໍ່ການຝັງຕົວອ່ອນ

ເຖິງແມ່ນວ່າຄູ່ຮັກຫຼາຍຄູ່ບໍ່ກ້າມີເຊັກສ໌ຫຼັງຈາກເຮັດເດັກໃນຫຼອດແກ້ວ ເພາະຢ້ານວ່າອາດເຮັດໃຫ້ເກີດຜົນເສຍ ແຕ່ວ່າມີຜົນງານວິໄຈທີ່ໄດ້ຮັບການຕີພິມລົງວາລະສານ Oxford Journal ບອກວ່າ ຄູ່ຮັກຮ່ວມເພດກັນຕາມປົກກະຕິ ເນື່ອງຈາກສະເປີມຈະຊ່ວຍໃຫ້ການຝັງຕົວອ່ອນໃນເດັກຫຼອດແກ້ວໄດ້ງ່າຍຂຶ້ນ ເຊິ່ງເທົ່າກັບວ່າຊ່ວຍໃຫ້ຝ່າຍຍິງຖືພາໄດ້ສຳເລັດນັ້ນເອງ