ຂ່າວດີສຳລັບສາວໆຜົມແຫ້ງຊີ້ຟູ ເພາະຕອນນີ້ສາວໆບໍ່ຈຳເປັນຕ້ອງໄປເພິ່ງວິທີລີດດ້ວຍຄວາມຮ້ອນ ຫຼື ຢືດຜົມດ້ວຍສານເຄມີໃຫ້ຜົມເສຍອີກແລ້ວ ວັນນີ້ ລາວໂພສຕ໌ ມີສູດໝັກຜົມງ່າຍໆ ທີ່ຈະຊ່ວຍໃຫ້ຜົມທ່ານງາມ ແລະ ມີນ້ຳໜັກ ປິວສະບັດຢ່າງເປັນທຳມະຊາດມາຝາກ
ສູດຜົມຊື່ດ້ວຍກະທິ ກັບ ນ້ຳໝາກນາວ
1. ກຽມນ້ຳຫົວກະທິສົດ 2 ຖ້ວຍ
2. ບີບນ້ຳໝາກນາວ 1 ໜ່ວຍ ປະສົມກັບກະທິໃຫ້ເຂົ້າກັນ
3. ນຳນ້ຳກະທິໄປແຊ່ໄວ້ໃນຕູ້ເຢັນປະມານ 1-2 ຊົ່ວໂມງ
4. ເມື່ອນ້ຳກະທິແຂງຕົວ ຈະພົບວ່າສ່ວນປະສົມຈະແຍກອອກເປນສອງສ່ວນຄື: ຊັ້ນຄີມກະທິທີ່ເຂັ້ມຂຸ້ນ ແລະ ຊັ້ນທີ່ເປັນນ້ຳໃສໆ ໃຫ້ຕັກເອົາສະເພາະຊັ້ນຄີມກະທິອອກມາໃຊ້
5. ນຳກະທິທີ່ໄດ້ມາຊະໂລມໃຫ້ທົ່ວເສັ້ນຜົມ ແລະ ພັນຫົວດ້ວຍຜ້າແພ ປ່ອຍໄວ້ປະມານ 1-2 ຊົ່ວໂມງ
6. ເມື່ອຄົບກຳນົດຕາມເວລາແລ້ວໃຫ້ລ້າງກະທິອອກ ແລະ ສະຜົມດ້ວຍຢາສະຫົວຕາມປົກກະຕິ
7. ເປົ່າຜົມໃຫ້ແຫ້ງ ກໍ່ເປັນອັນສຳເລັດຮຽບຮ້ອຍ
ທ່ານຈະຮູ້ສຶກໄດ້ເລີຍວ່າ ຜົນທີ່ເຄີຍຊີ້ຟູບໍ່ມີນເຳໜັກ ຈະກາຍເປັນຜົມນຸ້ມຊື່ ແລະ ມີນ້ຳໜັກຂຶ້ນທັນທີ ເນື່ອງຈາກໄຂມັນອີ່ມຕົວທີ່ມີໃນກະທິ ແລະ ຄຸນສົມບັດຕໍ່ຕ້ານແບັກທີເຣຍຈາກໝາກນາວ ຊ່ວຍສ້າງຄວາມສົມດູນໃຫ້ກັບໜັງຫົວ ແລະ ເສັ້ນຜົມ ຈິ່ງເຮັດໃຫ້ຜົມມີສຸຂະພາບດີຂຶ້ນ ແນະນຳວ່າທ່ານຄວນເຮັດອາທິດລະ 1-2 ຄັ້ງ ຈະເຫັນການປ່ຽນແປງຂອງເສັ້ນຜົມໄດ້ຢ່າງຊັດເຈນ