ພາຍຫຼັງທີ່ລັດຖະບານເປີດ ກວ້າງ ແລະໃຫ້ຄວາມສຳຄັນໃນ ການສົ່ງເສີມການທ່ອງທ່ຽວຫຼາຍ ຂຶ້ນ ຈິ່ງເຮັດໃຫ້ຜູ້ປະກອບກິດຈະ ການຄ້າຂາຍເຄື່ອງຕ່າງໆ ໂດຍສະເພາະແມ່ນ
ຂອງທີ່ລະນຶກຕາມ ສະຖານທີ່ຕ່າງໆນັບວ່າມີຊີວິດ ການເປັນຢູ່ດີ ແລະໜຶ່ງໃນນັ້ນ ກໍມີ ຄອບຄົວຂອງ ພໍ່ເພັດສະໝອນ ທີ່ມີ ຄວາມເປັນຢູ່ດີຄືທຸກວັນນີ້ຍ້ອນ ການຂາຍເຄື່ອງທີ່ລະນຶກທີ່ເດີ່ນພະທາດຫຼວງ.
ພໍ່ເພັດສະໜອນ ມະນີວົງ ໄວປະ ມານ 60 ກວ່າປີ ເລົ່າສູ່ຟັງວ່າ: ເມື່ອຫວນຄືນໄປປະມານ 30 ກວ່າ ປີກ່ອນຕອນເພິ່ນຍັງເຮັດວຽກນຳ ລັດ ຊຶ່ງຫຼັງຈາກເລິກຈາກວຽກກໍກັບມາຊ່ວຍຄອບຄົວຂາຍເຄື່ອງ, ແຕ່ໃນເວລານັ້ນການຂາຍເຄື່ອງປະເພດເຄື່ອງດື່ມຕາມທີ່ສາທາ ລະນະຂອງເພິ່ນກໍພຽງແຕ່ກຸ້ມຢູ່ ກຸ້ມກິນເທົ່ານັ້ນ ເໜືອນກັບວ່າທຸລະ ກິດດ້ານນີ້ບໍ່ມີຄວາມກ້າວໜ້າ, ແຕ່ ເພິ່ນກໍພະຍາຍາມສູ້ຊົນຕໍ່ໄປ ເພື່ອເຮັດແນວໃດຢາກໃຫ້ຄອບຄົວ ມີຊີວິດການເປັນຢູ່ທີ່ດີຂຶ້ນ, ພ້ອມ ທັງສາມາດສ້າງລາຍຮັບເພີ່ມໃຫ້ ແກ່ຄອບຄົວ, ພໍເພິ່ນເຮັດວຽກປະ ຈຳຄວບຄູ່ກັບການຂາຍເຄື່ອງນັ້ນ ໄປໄດ້ໄລຍະໜຶ່ງເພິ່ນກໍໄດ້ພັກບຳ ນານ ແລະຫັນມາເອົາຈິງເອົາຈັງ ກັບອາຊີບໃໝ່ ກໍຄືການຂາຍເຄື່ອງ ດື່ມ ໂດຍຄັ້ງນີ້ ເພິ່ນຈະເຮັດຄຽງຄູ່ກັບ ການຂາຍເຄື່ອງທີ່ລະນຶກໄປນຳ.
ໃນໄລຍະນັ້ນ ການຂາຍເຄື່ອງ ປະເພດດັ່ງກ່າວແມ່ນຍັງບໍ່ທັນມີຜູ້ ຄົນເຮັດຫຼາຍ, ສະນັ້ນ ຈິ່ງເປັນໂອ ກາດອັນດີໃຫ້ແກ່ການປະກອບອາ ຊີບໃໝ່ຂອງເພິ່ນ, ແຕ່ໂຊກດີການ ປ່ຽນອາຊີບຂອງເພິ່ນຜັດກົງກັບ ລັດຖະບານ ພວມເປີດກວ້າງດ້ານ ການສົ່ງເສີມການທ່ອງທ່ຽວພາຍ ໃນປະເທດໃຫ້ນັບມື້ເພີ່ມຂຶ້ນ ຈິ່ງ ເຮັດໃຫ້ເພິ່ນເກີດມີຄວາມຄິດໃນ ການຊອກຫາສິ່ງຂອງຕ່າງໆລວມ ໄປເຖິງວັດສະດຸທີ່ຫຼາກຫຼາຍຮູບ ແບບທີ່ບົງບອກເຖິງຄວາມເປັນ ລາວ, ເອກະລັກຂອງລາວ ເພື່ອ ຈະໃຫ້ນັກທ່ອງທ່ຽວທີ່ເຂົ້າມາ ທ່ຽວພາຍໃນ ກໍຄືນະຄອນຫຼວງ ວຽງຈັນ ໄດ້ທັງຄວາມເບີກບານ ມ່ວນຊື່ນ ແລະໄດ້ທັງຂອງຝາກ ຂອງຕ້ອນທີ່ເປັນເອກະລັກຂອງ ລາວເຮົາໄວ້ເປັນທີ່ລະນຶກຕື່ມອີກດ້ວຍ.
ພໍ່ເພັດສະໜອນ ມະນີວົງ ໃຫ້ຮູ້ ອີກວ່າ: ປະຈຸບັນ ການຂາຍເຄື່ອງ ທີ່ລະນຶກຖືໄດ້ວ່າເປັນອາຊີບໜຶ່ງທີ່ພວມໄດ້ຮັບຄວາມສົນໃຈສູງຈາກ ແຂກທັງພາຍໃນ ແລະຕ່າງປະເທດ ທີ່ເຂົ້າມາທ່ຽວຢູ່ພາຍໃນປະເທດ ໂດຍສະເພາະ ນະຄອນຫຼວງວຽງ ຈັນ ທີ່ນັບມື້ເພີ່ມຂຶ້ນເປັນຈຳນວນ ຫຼາຍ, ທັງນີ້ ກໍຍ້ອນວ່າລັດຖະບານ ຂອງພວກເຮົາເຫັນໄດ້ຄວາມສຳຄັນໃນການເປີດກວ້າງດ້ານການສົ່ງເສີມການທ່ອງທ່ຽວພາຍໃນ ຊຶ່ງມັນໄດ້ຊ່ວຍເຮັດໃຫ້ປະຊາຊົນ ຫຼື ຜູ້ປະກອບການກິດຈະການ ຂາຍເຄື່ອງບໍລິເວນໃກ້ຄຽງມີຊີ ວິດການເປັນຢູ່ທີ່ນັບມື້ດີຂຶ້ນ ແລະ ໜຶ່ງໃນນັ້ນ ກໍລວມມີຄອບຄົວຂອງ ເພິ່ນນຳ, ຜ່ານການຂາຍເຄື່ອງທີ່ ລະນຶກ ແລະຂາຍເຄື່ອງດື່ມ, ນ້ຳ ຫວານໄປນຳ ຈິ່ງເຮັດໃຫ້ຄອບຄົວຂອງເພິ່ນມີຊີວິດການເປັນຢູ່ດີຂຶ້ນ ແລະມີລາຍໄດ້ສະເລ່ຍຕໍ່ປີປະມານ 20 ລ້ານກີບ, ພ້ອມດຽວກັນນັ້ນ ຍັງສາມາດສົ່ງເສີມລູກໆຮຽນຕໍ່ ຕື່ມອີກ.
ສຳລັບ ສິນຄ້າທີ່ເພີ່ນນຳມາ ຂາຍນັ້ນ ຈະມີບໍລິສັດມາສົ່ງໃຫ້ ພ້ອມທັງ ຄິດໄລ່ລາຄາຕົ້ນທຶນໃຫ້, ສ່ວນປະເພດເຄື່ອງທີ່ລະນຶກນັ້ນ ກໍປະກອບມີຫຼາກຫຼາຍຢ່າງເຊັ່ນ: ເຄື່ອງປະດັບ ທຸກປະເພດ, ຮູບແກະ ສະຫຼັກສະຖານທີ່ທ່ອງທ່ຽວຕ່າງໆ ທົ່ວປະເທດເປັນຕົ້ນແມ່ນຮູບພະ ທາດຫຼວງ, ປະຕູໄຊ, ຫໍພະແກ້ວ ແລະອື່ນໆ, ກະເປົ໋າຊົນເຜົ່າ, ໝວກ, ຜ້າບ່ຽງ ແລະອື່ນໆ, ສ່ວນເລື່ອງ ລາຄາກໍແຕກຕ່າງກັນໄປໂດຍເລີ່ມ ຈາກ 5 ພັນກີບ ຈົນເຖິງ 1,20 ແສນກີບ, ຖ້າຫາກວ່າທ່ານໃດ ຢາກໄດ້ຂອງທີ່ລະນຶກ ເພື່ອເປັນ ຂອງຝາກຂອງຕ້ອນ ຫຼື ເປັນຂອງ ຂວັນໃຫ້ກັບຄົນທີ່ທ່ານຮັກ ແລະ ນັບຖື ກໍສາມາດແວະໄປຊື້ໄດ້ ຊຶ່ງ ຮ້ານຂອງເພິ່ນຈະຕັ້ງຢູ່ທິດຕາເວັນ ອອກຂອງທາດຫຼວງ ຫຼື ຈະໂທ ຖາມກ່ອນກໍໄດ້ທີ່ເບີ 020 7788 1368 ຮັບຮອງວ່າໄປແລ້ວຈະໄດ້ຂອງຝາກທີ່ຖືກໃຈແນນອນ.
ຂ່າວຈາກ: ເສດຖະກິດ-ສັງຄົມ