ສຳນັກຂ່າວຕ່າງປະເທດ ລາຍງານໃນວັນທີ 5 ພຶດສະພານີ້ວ່າ ເກີດເຫດລົດເມໂດຍສານ ເກີດອຸບັດເຫດຕົກຂົວແຫ່ງໜຶ່ງ ທາງພາກຕາເວັນອອກສຽງເໜືອ ຂອງປະເທດອິນເດຍ ໃນວັນທີ 4 ພຶດສະພາ 2016 ຜ່ານມາ ສົ່ງຜົນເຮັດໃຫ້ມີຜູ້ເສຍຊີວິດຢ່າງໜ້ອຍ 13 ຄົນ ແລະ ບາດເຈັບອີກ 53 ຄົນ ໂດຍເຈົ້າໜ້າທີ່ຕຳຫລວດອິນເດຍໃນທ້ອງຖິ່ນລະບຸວ່າ ຄົນຂັບລົດເມໄດ້ພະຍາຍາມຫັກຫລີກລົດຈັກຄັນໜຶ່ງ ໃນໄລຍະທີ່ໃກ້ຈົນເກີນໄປ ຈົນບໍ່ສາມາດຄວບຄຸມລົດໄວ້ໄດ້ ເປັນເຫດເຮັດໃຫ້ລົດພິກຂວ້ຳຕົກລົງຈາກຂົວ ແລະ ພິກຂວ້ຳຕົກລົງສູ່ພື້ນເຫວເລິກ 2-3 ຮອບ.

ທັງນີ້ ອຸບັດເຫດຮຸນແຮງເທິງທ້ອງຖະໜົນ ແມ່ນເປັນສິ່ງທີ່ເກີດຂຶ້ນເປັນປະຈຳຢູ່ອິນເດຍ ຊຶ່ງຖືໄດ້ວ່າເປັນປະເທດ ທີ່ມີການເສຍຊີວິດຈາກການໃຊ້ລົດໃຊ້ຖະໜົນ ສູງທີ່ສຸດໃນໂລກ ດ້ວຍຕົວເລກການເສຍຊີວິດ ຫລາຍກວ່າ 200,000 ຄົນຕໍ່ປີ ຕາມຂໍ້ມູນຂອງອົງການອະນາໄມໂລກ ຫລື WTO.