ວັນທີ 3 ພຶດສະພາຜ່ານມານີ້, ສານປະຊາຊົນຂັ້ນຕົ້ນ ນະຄອນຫລວງວຽງຈັນ ໄດ້ຕັດສິນລົງໂທດ ທ້າວ ເພັດສາຄອນ ຫລື ກີ້ ອາຍຸ 21 ປີ ຢູ່ບ້ານໜອງພະຍາ ເມືອງໄຊທານີ ນະຄອນຫລວງວຽງຈັນ ຕື່ມອີກ 5 ປີ 11 ເດືອນ, ພາຍຫລັງຜູ້ກ່ຽວລັກລອບເຄື່ອນໄຫວຊື້-ຂາຍຢາບ້າ ຢູ່ພາຍໃນຄ້າຍຄຸມຂັງ.
ທ້າວ ເພັດສາລີ ຮັບສາລະພາບວ່າ: ເມື່ອວັນທີ 10 ຕຸລາ 2011 ຜ່ານມາ, ຖືກເຈົ້າໜ້າທີ່ກັກຕົວ ໃນຂໍ້ຫາລັກຊັບພົນລະເມືອງ, ຖືກສານຕັດສິນໃຫ້ຈຳຄຸກເປັນເວລາ 4 ປີ, ໃນຂະນະປະຕິບັດໂທດຢູ່ນັ້ນ ຕົນໄດ້ຮູ້ຈັກກັບທ້າວ ວັນດີ ຫລື ແຫລ້, ຊຶ່ງເປັນນັກໂທດຫ້ອງຂັງດຽວກັນ ແລະ ເມື່ອເດືອນກຸມພາ 2015 ຜ່ານມາ, ທ້າວ ວັນດີ ໄດ້ອອກໄປພົບຍາດ ແລ້ວນຳເອົາຢາບ້າ ຈຳນວນ 8 ເມັດ ມາໃຫ້ເສບ, ແລ້ວຕໍ່ມາເດືອນມີນາ ທ້າວ ແຫລ້ ໄດ້ພົ້ນໂທດ, ຈົນມາຮອດວັນທີ 28 ເມສາ 2015 ຕົນໄດ້ຢືມໂທລະສັບໝູ່ ສັ່ງຊື້ຢາບ້າ ຈຳນວນ 25 ເມັດນຳທ້າວ ແຫລ້, ຫລັງຈາກນັ້ນ ທ້າວແຫລ້ ໄດ້ນຳເອົາຢາບ້າໄປຊຸກເຊື່ອງໄວ້ໃນໄມ້ຖູພື້ນ ແລ້ວຝາກມາໃຫ້ຕາມທີ່ຕົກລົງກັນໄວ້ລ່ວງໜ້າ, ແຕ່ໃນຂະນະດຽວກັນ ໄດ້ຖືກເຈົ້າໜ້າທີ່ກວດພົບ ຈຶ່ງຖືກນຳຕົວມາສອບສວນ ແລະ ສັ່ງຟ້ອງສານຕັດສິນໂທດຕື່ມອີກ ໃນສະຖານຄ້າຂາຍຢາເສບຕິດໃນບອ່ນຄຸມຂັງ.
ແຫລ່ງຂ່າວ:
ສຳຫຼັບທ່ານທີ່ຮັກສຸຂະພາບ ຕິດຕາມເລື່ອງດີດີ ກົດໄລຄ໌ເລີຍ!