spot_img
Homeຂ່າວພາຍ​ໃນສານຊົມເຊີຍຈາກນາຍົກຍີ່ປຸ່ນ ສົ່ງເຖິງທ່ານ ບຸນຍັງ ວໍລະຈິດ ປະທານປະເທດແຫ່ງສປປລາວ

ສານຊົມເຊີຍຈາກນາຍົກຍີ່ປຸ່ນ ສົ່ງເຖິງທ່ານ ບຸນຍັງ ວໍລະຈິດ ປະທານປະເທດແຫ່ງສປປລາວ

Published on

ທ່ານ ອາເບະ ຊິນໂສ ນາຍົກລັດຖະມົນຕີແຫ່ງປະເທດ ຍີ່ປຸ່ນ ໄດ້ສົ່ງສານຊົມເຊີຍເຖິງທ່ານ ບຸນຍັງ ວໍລະຈິດ ຊຶ່ງມີ ເນື້ອໃນດັ່ງນີ້:

ຂ້າພະເຈົ້າ ໃນນາມຕົວແທນຂອງລັດຖະບານ ແລະ ປະຊາຊົນຍີ່ປຸ່ນ ຂໍສະແດງຄວາມຍິນດີຈາກໃຈມາຍັງທ່ານທີ່ຖືກເລືອກຕັ້ງໃຫ້ເປັນປະທານປະເທດແຫ່ງ ສປປ ລາວ ຄົນໃໝ່ໃນ ກອງປະຊຸມຄັ້ງ ປະຖົມມະລືກຂອງສະພາແຫ່ງຊາດໃນຄັ້ງນີ້.

ຂ້າພະເຈົ້າ ເຊື່ອໝັ້ນວ່າ ພາຍໃຕ້ການຊີ້ນຳຂອງທ່ານ ແລະ ຄະນະລັດຖະບານຊຸດໃໝ່ ແມ່ນຈະສາມາດນຳພາປະເທດລາວບັນລຸການພັດທະນາຢ່າງໝັ້ນຄົງໄດ້.

ປະເທດຍີ່ປຸ່ນໃນ ນາມທີ່ເປັນ “ຄູ່ຮ່ວມຍຸດທະສາດ” ຂອງປະເທດ ລາວ, ຈະສືບຕໍ່ໃຫ້ການສະໜັບສະໜູນ ແລະ ຮ່ວມມືກັບປະ ເທດລາວ ເພື່ອມີສ່ວນຮ່ວມເຮັດໃຫ້ແຜນພັດທະນາເສດຖະ ກິດ – ສັງຄົມ ແລະ ແຜນຫຼຸຸດພົ້ນອອກຈາກປະເທດດ້ອຍພັດທະ ນາໃນປີ 2020 ຂອງປະເທດລາວ ປະກົດຜົນເປັນຈິງ.

ໂດຍສະເພາະ, ປີນີ້ປະເທດລາວໄດ້ຮັບຕຳແໜ່ງທີ່ສຳຄັນ ກໍຄືການເປັນປະທານກອງປະຊຸມ ASEAN. ປະເທດຍີ່ປຸ່ນ ໃນນາມທີ່ເປັນເພື່ອນມິດທີ່ດີຂອງປະເທດລາວ, ຈະໃຫ້ການ ສະໜັບສະໜູນ ຢ່າງເຕັມທີ່ໃນທຸກຂະແໜງການ ເພື່ອເຮັດໃຫ້ ກອງປະຊຸມລະດັບສາກົນຕ່າງໆທີ່ຈະຖືກຈັດຂຶ້ນໃນປະເທດລາວ ນັ້ນປະສົບຜົນສຳເລັດ ແລະ ເພື່ອບັນລຸການພັດທະນາຂຶ້ນອີກ ຂັ້ນໜຶ່ງນັ້ນ ປະເທດຍີ່ປຸ່ນ ຈະໃຫ້ການສະໜັບສະໜູນ ແລະ ຊຸກຍູ້ຄວາມພະຍາຍາມທີ່ແນໃສ່ 8 ຂະແໜງການບຸລິມະສິດ ASEAN ທີ່ວາງອອກ ໂດຍປະທານກອງປະຊຸມໃຫ້ປະກົດຜົນ ເປັນຈິງ. ນອກຈາກນີ້, ຂ້າພະເຈົ້າເອງ ກໍລໍຄອຍທີ່ຈະໄດ້ມາ ຢ້ຽມຢາມປະເທດລາວຢ່າງເປັນທາງການ ເພື່ອທີ່ຈະເຂົ້າຮ່ວມ ກອງປະຊຸມສຸດຍອດ ASEAN ໃນເດືອນກັນຍາທີ່ຈະມາເຖິງ.

ສຸດທ້າຍນີ້, ຂ້າພະເຈົ້າ ຂໍອວຍພອນໄຊໃຫ້ແກ່ພະນະທ່ານ ຈົ່ງມີສຸຂະພາບແຂງແຮງ ແລະ ມີພະລານາໄມທີ່ດີ ແລະ ຂໍໃຫ້ປະເທດລາວຈົ່ງມີຄວາມຈະເລີນຮຸ່ງເຮືອງ ແລະ ມີຄວາມພັດທະນາຂຶ້ນ ໄປເລື້ອຍໆຢ່າງບໍ່ຢຸດຢັ້ງ.
ຂະນະດຽວກັນທ່ານ ອາເບະ ຊິນໂສ ກໍໄດ້ສົ່ງສານຊົມເຊີຍ ເຖິງທ່ານ ທອງລຸນ ສີສຸລິດ ນາຍົກລັດຖະມົນຕີເຊັ່ນດຽວກັນ.

ບົດຄວາມຫຼ້າສຸດ

ສານລັດຖະທຳມະນູນ ເຫັນດີຮັບຄຳຮ້ອງ ຢຸດການປະຕິບັດໜ້າທີ່ ຂອງ ທ່ານ ນາງ ແພທອງ ຊິນນະວັດ ນາຍົກລັດຖະມົນຕີແຫ່ງຣາຊະອານາຈັກໄທ ເລີ່ມແຕ່ມື້ນີ້ເປັນຕົ້ນໄປ

ສານລັດຖະທຳມະນູນ ເຫັນດີຮັບຄຳຮ້ອງຢຸດການປະຕິບັດໜ້າທີ່ຂອງ ທ່ານ ນາງ ແພທອງທານ ຊິນນະວັດ ນາຍົກລັດຖະມົນຕີແຫ່ງຣາຊະອານາຈັກໄທ ຕັ້ງແຕ່ວັນທີ 1 ກໍລະກົດ 2025 ເປັນຕົ້ນໄປ. ອີງຕາມເວັບໄຊ້ຂ່າວ Channel News...

ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ

ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ ເນື່ອງໃນໂອກາດ ວັນສາກົນຕ້ານຢາເສບຕິດ ຄົບຮອບ 38 ປີ (26 ມິຖຸນາ 1987 -...

ສານຫວຽດນາມ ດຳເນີນຄະດີຜູ້ຕ້ອງສົງໃສພະນັກງານລັດ 41 ຄົນ ໃນຂໍ້ຫາສໍ້ລາດບັງຫຼວງ ສ້າງຄວາມເສຍຫາຍ 45 ລ້ານໂດລາ

ສານຫວຽດນາມໄດ້ເປີດການພິຈາລະນາຄະດີສໍ້ລາດບັງຫຼວງ ແລະ ຮັບສິນບົນ ມູນຄ່າ ເກືອບ 1,500 ລ້ານບາດ ຫຼື ປະມານ 45 ລ້ານໂດລາ. ສຳນັກຂ່າວຕ່າງປະເທດລາຍງານໃນວັນທີ 24 ມິຖຸນາ 2025,...

ນໍ້າຖ້ວມຮຸນແຮງຢູ່ແຂວງກຸຍໂຈ ຂອງ ສປ ຈີນ

ຝົນຕົກໜັກຕໍ່ເນື່ອງເຮັດໃຫ້ນໍ້າຖ້ວມໜັກໜ່ວງຢູ່ແຂວງກຸຍໂຈ (Guizhou) ຂອງ ສປ ຈີນ, ປະຊາຊົນ 80,000 ກວ່າຄົນ ຕ້ອງໄດ້ອົບພະຍົບຢ່າງເລັ່ງດ່ວນ. ລັດຖະບານຈີນໄດ້ປະກາດຍົກລະດັບມາດຕະການສຸກເສີນເພື່ອຮັບມືກັບໄພນໍ້າຖ້ວມກະທັນ, ເນື່ອງຈາກຝົນຕົກໜັກຕໍ່ເນື່ອງເປັນເວລາຫຼາຍມື້ໃນແຂວງກຸຍໂຈ ເຊິ່ງຕັ້ງຢູ່ທາງຕາເວັນຕົກສ່ຽງໃຕ້ຂອງ ສປ ຈີນ, ໂດຍລະດັບນໍ້າ...