ສຳນັກຂ່າວຕ່າງປະເທດລາຍງານວ່າ ເຈົ້າໜ້າທີ່ມາເລເຊຍກຳລັງຕິດຕາມຄົ້ນຫາຊາວຕ່າງຊາດ 3 ຄົນທີ່ສູນຫາຍໄປທາງນ່ານນໍ້າໃກ້ຟິລິບປິນຊຶ່ງເປັນເຂດທີ່ກຸ່ມຕິດອາວຸດມັກກໍ່ເຫດລັກພາຕົວຊ່ວງທີ່ຜ່ານມາ.

ເຈົ້າໜ້າທີ່ຍາມຝັ່ງເມເລເຊຍເປີດເຜີຍວ່າ ຊາວຕ່າງຊາດດັ່ງກ່າວຊຶ່ງເປັນຊາວແອັດສະປາຍ 2 ຄົນ ຊາວຈີນຮົງກົງ 1 ຄົນ ແລະ ອີກຄົນເປັນຊາວມາເລເຊຍ ສູນຫາຍໄປຕັ້ງແຕ່ຄໍ່າຄືນວັນຈັນທາງລັດຊາບາເທິງເກາະບໍນຽວຂອງມາເລເຊຍ ເຈົ້າໜ້າທີ່ຄາດວ່າເຮືອຂອງພວກເຂົາອາດປະສົບບັນຫາ ແລະລອຍຢູ່ໃນທະເລຊຶ່ງຍັງເປັນເຂດທີ່ຖືວ່າປອດໄພຢູ່ ແລະ ກ່າວວ່າ ທາງການມາເລເຊຍມີເຮືອຮົບ 2 ລຳ ແລະ ເຮືອນ້ອຍອີກຫຼາຍລຳ ລວມເຖິງເຮລິຄ໋ອບເຕີທີ່ປະຕິບັດການພາລະກິດລາດຕະເວນໃກ້ເກາະບໍນຽວທາງພາກເໜືອສຸດ.