ຂປລ. ເທດສະການອາຫານ ເອີຣົບຄັ້ງທີ 5 ໄດ້ຈັດຂຶ້ນໃນວັນທີ 7 ພຶດສະພາ 2016 ນີ້ ທີ່ຫໍວັດທະນະທຳແຫ່ງຊາດ ເພື່ອສະເຫລີມສະຫລອງວັນສ້າງຕັ້ງສະຫະພາບເອີຣົບ ຄົບຮອບ 66 ປີ ພາຍໃຕ້ການຮ່ວມມື ລະຫວ່າງ ສະຫະ ພາບ ເອີຣົບ ຮ່ວມກັບສະພາການຄ້າ, ອຸດສະຫະກຳເອີຣົບ ແລະ ບໍລິສັດອານາມຟາຍຟູ ເຊິ່ງມີຮ້ານອາຫານ ຫລາຍຫວ່າ 120 ຮ້ານເຂົ້າຮ່ວມ.
ທ່ານ ມີແຊນ ໂກແພງ ອຸປະທູດ ສຳນັກງານຕາງໜ້າສະຫະພາບ ເອີຣົບ ປະຈຳລາວ ກ່າວໃນງານຖະແຫລງ ຂ່າວ ງານເທດສະການອາຫານເອີຣົບ ວ່າ: ເທດສະການ ອາຫານໃນຄັ້ງນີ້ ຈະໄດ້ນຳສະເໜີ ຄວາມຫລາກຫລາຍຂອງຮ້ານອາຫານເອີຣົບ ທີ່ດຳເນີນທຸລະກິດໃນນະຄອນຫລວງວຽງຈັນ ເຊິ່ງປີນີ້ ມີຮ້ານອາຫານເຂົ້າຮ່ວມງານຫລາຍກວ່າ 120 ຮ້ານ ເຊິ່ງທ່ານ ສາມາດຊີມລົດຊາດອາຫານ ແລະ ເຄື່ອງດື່ມຈາກ ເອີຣົບໄດ້, ພ້ອມທັງມີກິດຈະກຳສຳລັບເດັກ ແລະ ການສະແດງສີລິະປະ ເພື່ອສ້າງຄວາມເບີກບານມວນຊື່ນ ໃຫ້ກັບແຂກທີ່ໄປໃນງານ ພິເສດ ຜູ້ເຂົ້າຮ່ວມງານ ຍັງມີໂອກາດ ຈະໄດ້ຮັບລາງວັນປີ້ຍົນໄປກັບວຽງຈັນ-ເອີຣົບ ແລະ ຂອງລາງວັນຫລາກຫລາຍໃນງານ.
ແຫລ່ງຂ່າວ:
ສຳຫຼັບທ່ານທີ່ຮັກສຸຂະພາບ ຕິດຕາມເລື່ອງດີດີ ກົດໄລຄ໌ເລີຍ!