ສຳນັກຂ່າວຕ່າງປະເທດ ລາຍງານໃນວັນທີ 4 ພຶດສະພານີ້ວ່າ ທາງການກຳປູເຈຍ ໄດ້ອອກກົດລະບຽບໃໝ່ ຫ້າມບໍ່ໃຫ້ລົດທຸກປະເພດ ຍົກເວັ້ນລົດຖີບ ເຂົ້າໄປແລ່ນໃນຖະໜົນສາຍຫລັກ ທີ່ຢູ່ຕິດກັບຜາສາດຫີນນະຄອນວັດ ເພື່ອແກ້ໄຂບັນຫາການສັນຈອນແອອັດ ພາຍໃນພື້ນທີ່ດັ່ງກ່າວ ເນື່ອງຈາກຜາສາດຫີນນະຄອນວັດ ເປັນແຫລ່ງທ່ອງທ່ຽວທີ່ມີຊື່ສຽງຂອງກຳປູເຈຍ ໄດ້ຮັບການຮັບຮອງໃຫ້ເປັນມໍລະດົກໂລກ ແລະ ມີນັກທ່ອງທ່ຽວຈາກທົ່ວທຸກສາລະທິດ ເຂົ້າມາທ່ຽວຊົມຫລາຍກວ່າ 2.1 ລ້ານຄົນຕໍ່ປີ ເຮັດໃຫ້ຈຳນວນລົດນຳທ່ຽວ ແລະ ອື່ນໆ ທີ່ແຫ່ກັນເຂົ້າມາແອອັດຢູ່ໃນພື້ນທີ່ດັ່ງກ່າວ ກາຍເປັນບັນຫາທີ່ທາງການກັງວົນ ກ່ຽວກັບແຮງສັ່ນສະເທືອນ ທີ່ອາດທຳລາຍບູຮານສະຖານອັນລ້ຳຄ່າດັ່ງກ່າວ ລວມເຖິງເພື່ອອຳນວຍຄວາມສະດວກ ໃຫ້ແກ່ນັກທ່ອງທ່ຽວອີກດ້ວຍ.

ຕິດຕາມເລື່ອງດີດີເພຈທ່ຽວເມືອງລາວ Laotrips ກົດໄລຄ໌ເລີຍ!