ສຳນັກຂ່າວຕ່າງປະເທດ ລາຍງານວ່າ ໃນຕອນເຊົ້າຂອງວັນທີ 3 ພຶດສະພາ 2016 ຜ່ານມານີ້ ໄດ້ເກີດເຫດໄຟໄໝ້ ຢູ່ສູນອົບພະຍົບຊົ່ວຄາວ Bawdupa ຊຶ່ງເປັນສູນອົບພະຍົບຂອງຊາວໂຣຮິງຍາ ໃກ້ກັບເມືອງສິດຕະເວ ເມືອງເອກຂອງລັດຍະໄຂ່ ທາງພາກຕາເວັນຕົກຂອງປະເທດມຽນມາ ສົ່ງຜົນເຮັດໃຫ້ທີ່ພັກອາໄສຂອງຊາວໂຣຮິງຍາ 448 ຄອບຄົວ ຖືກໄຟໄໝ້ວອດ ແຕ່ຍັງບໍ່ທັນມີລາຍງານຄົນໄດ້ຮັບບາດເຈັບ ຫລື ເສຍຊີວິດເທື່ອ.

ທັງນີ້ ສູນອົບພະຍົບດັ່ງກ່າວ ແມ່ນເປັນທີ່ຢູ່ອາໄສຂອງຊາວໂຣຮິງຍາ ກວ່າ 140,000 ຄົນ ຫລັງຈາກທີ່ເກີດເຫດ ຄວາມຂັດແຍ່ງຮຸນແຮງດ້ານສາສະໜາ ລະຫວ່າງຊາວໂຣຮິງຍາ ທີ່ນັບຖືສາສະໜາອິດສະລາມ ແລະ ຊາວພຸດມຽນມາຫົວຮຸນແຮງ ເມື່ອປີ 2012 ຜ່ານມາ.

ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!