ຂປລ. ​ໃນ​ໄລຍະ 1 ປີ ຜ່ານ​ມາ ກອງບັນຊາການ ປກສ ເມືອງສອງຄອນ ແຂວງສະຫວັນະເຂດ ​ໄດ້​ເອົາ​ໃຈ​ໃສ່​ແກ້​ໄຂ​ປະກົດ​ການ​ຫຍໍ້​ທໍ້​ຕ່າງ​ໆໃນ​ສັງຄົມ ​ເຊິ່ງ​ໃນ​ປີ 2015 ຜ່ານ​ມາ ຢູ່​ເມືອງ​ດັ່ງກ່າວ, ມີຄະດີຢາເສບຕິດມີ 45 ລາຍ, ກັກຜູ້ຖືກຫາໄດ້ 57 ຄົນ, ຍິງ 7 ຄົນ, ຢຶດຂອງກາງຢາບ້າ ໄດ້ 21 ພັນກວ່າເມັດ, ກັນຊາແຫ້ງ 1,4 ກິໂລ, ຢາໄອ 1 ຫລອດ.

ທ່ານ ພັນໂທ ທະນົງສັກ ວົງສາເສນາ ຮອງຫົວໜ້າກອງບັນຊາການ ປກສ ເມືອງສອງຄອນ ​ໄດ້​ໃຫ້​ຮູ້​ໃນກອງປະຊຸມ ສະຫລຸບວຽກ​ງານ​ປະຈຳ​ປີ 2015 ແລະ ວາງແຜນການປີ 2016 ​ເມື່ອ​ບໍ່​ດົນ​ນີ້​ວ່າ:  ສະພາບປະກົດການຫຍໍ້ທໍ້ ທີ່ເກີດຂຶ້ນໃນສັງຄົມໃນໜຶ່ງປີຜ່ານມາ ຢູ່ເມືອງສອງຄອນ ນອກຈາກ​ຄະດີ​ຢາ​ເສບ​ຕິດ​ແລ້ວ​ ຍັງ​ມີຄະດີອາຍາເກີດຂຶ້ນທັງໝົດ 12 ເລື່ອງ, ກັກຜູ້ຖືກຫາໄດ້ 61 ຄົນ, ຍິງ 3 ຄົນ; ມີອຸບັດເຫດ ເກີດຂຶ້ນທັງໝົດ 51 ລາຍ, ມີຄົນເສຍຊີວິດ 6 ຄົນ, ຍິງ 2 ຄົນ ລວມມູນຄ່າເສຍຫາຍທັງໝົດ 332 ລ້ານ​ກວ່າກີບ. ສ່ວນທາງດ້ານວຽກງານສະກັດ ກັ້ນຕ້ານອັກຄີໄພ 1 ປີ ມີອັກຄີໄພເກີດຂຶ້ນທັງໝົດ 10 ຄັ້ງ, ລວມມູນຄ່າເສຍຫາຍທັງໝົດ 1,1 ຕື້​ກວ່າກີບ.

ແຫລ່ງຂ່າວ:

ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!