ບັນຫາການສໍ້ໂກງນ້ຳມັນຢູ່ຕາມປ້ຳຕ່າງໆນັ້ນ ເຖິງແມ່ນວ່າພາກສ່ວນກ່ຽວຂ້ອງໄດ້ມີການເຄື່ອນໄຫວລົງກວດກາມາດຕະ ຖານການວັດແທກຢ່າງເປັນປົກກະຕິ ເພື່ອສະກັດກັ້ນບໍ່ໃຫ້ເກີດມີການເອົາປຽບລູກຄ້າທີ່ໃຊ້ບໍລິການ, ແຕ່ປາກົດວ່າຫາງສຽງສັງຄົມກໍຍັງເກີດມີຂຶ້ນມາຢ່າງຕໍ່ເນື່ອງກ່ຽວກັບການສໍ້ໂກງປະລິມານນ້ຳມັນຢູ່ປ້ຳຫລາຍແຫ່ງ, ຕົ້ນຕໍມັນບໍ່ແມ່ນຍ້ອນວັດຖຸອຸປະ ກອນຫົວຈ່າຍປ້ຳນ້ຳມັນບໍ່ໄດ້ມາດຕະຖານພຽງຢ່າງດຽວ, ແຕ່ເຫັນວ່າສ່ວນໃຫຍ່ເປັນຍ້ອນພະນັກງານຂາຍນ້ຳມັນຕ່າງ ຫາກທີ່ມີພຶດຕິກຳສໍ້ໂກງລູກຄ້າ ເຊິ່ງບາງປ້ຳເມື່ອມີລົດໃຫຍ່ແລ່ນເຂົ້າມາ ພະນັກງານກໍຈະຍາດກັນກວັກມືໂບກເຂົ້າໄປຫາເຄື່ອງຈັກທີ່ຕົນຮັບຜິດຊອບທັນທີ ແລະ ເວລາບີບນ້ຳມັນໃສ່ລົດກໍມີລັກ ສະນະບີບປ່ອຍບີບປ່ອຍບໍ່ໃຫ້ນ້ຳ ມັນໄຫລເປັນ
ປົກກະຕິ ເຊິ່ງສິ່ງນີ້ຈະເຮັດໃຫ້ຜູ້ມາໃຊ້ບໍລິການບໍ່ພໍໃຈ, ແຕ່ລະມື້ໜຶ່ງມີລົດເປັນຈຳ ນວນຫລາຍໄປໃຊ້ບໍລິການກໍຈະໄດ້ຜົນປະໂຫຍດຈາກການສໍ້ໂກງຫລາຍ, ຢູ່່ຫລາຍປະເທດປ້ຳນ້ຳ ມັນແມ່ນບໍ່ມີພະນັກງານມາຄ່ອຍບໍລິການ ແຕ່ໃຫ້ລູກຄ້າເປັນຜູ້ບີບເອົາເອງຕາມຈຳນວນທີ່ຕ້ອງ ການເຕີມເຮັດແບບນີ້ກໍເພື່ອຮັບ ປະກັນໃຫ້ຜູ້ໃຊ້ບໍລິການໄດ້ນ້ຳ ມັນເຕັມເມັດເຕັມໜ່ວຍໂດຍປາສະຈາກການລະແວງສົງໄສຕ່າງໆ. ສະນັ້ນ ຂອດທີ່ແກ້ໄຂໃຫ້ ຫາງສຽງຂອງສັງຄົມຫລຸດຜ່ອນລົງ ພາກສ່ວນກ່ຽວຂ້ອງບໍ່ພຽງແຕ່ຈະລົງກວດກາແຕ່ມາດຕະ ຖານຂອງຫົວປ້ຳເທົ່ານັ້ນ, ຄຽງຄູ່ກັນນັ້ນ ຄວນໄດ້ຊຸກຍູ້ໃຫ້ບັນ ດາເຈົ້າຂອງປ້ຳນ້ຳມັນທຸກແຫ່ງເອົາໃຈໃສ່ສຶກສາອົບຮົມພະນັກ ງານພາຍໃນຄວາມຮັບຜິດຊອບ ຂອງຕົນຢ່າງເປັນປົກກະຕິເພື່ອໃຫ້ມີທັດສະນະການບໍລິການທີ່ດີ, ຫລີກເວັ້ນແນວຄິດສວຍໂອກາດສໍ້ໂກງເອົາປຽບລູກຄ້າ.
ທີ່ມາ http://laophatthananews.blogspot.com/2014/05/blog-post_9524.html