ທຸກຄົນອາດຮູ້ກັນດີແລ້ວວ່າການອອກກຳລັງກາຍມີປະ ໂຫຍດຕໍ່ສຸຂະພາບບໍ່ໜ້ອຍນອກຈາກຈະຊ່ວຍໃຫ້ຮ່າງກາຍແຂງແຮງແລ້ວ ຍັງເຮັດໃຫ້ຜິວພັນສວຍ ງາມອີກດ້ວຍ ແຕ່ບາງຄັ້ງການ ອອກກຳລັງກາຍກໍສ້າງບັນຫາໃຫ້ ກັບຜິວ ແລະເສັ້ນຜົມໄດ້ດັ່ງນັ້ນ ມື້ນີ້ ເຮົາຈິ່ງມີເຕັກນິກດີໆມາຝາກກັບ ການຮັກສາຜິວ ແລະ ເສັ້ນຜົມກ່ອນ ອອກກຳລັງກາຍມາຝາກເປັນ ຕົ້ນແມ່ນ:
- ຄວນເກົ້າຜົມ: ຄວນເກົ້າຜົມ ຫຼື ມັດຜົມຂຶ້ນໄປສູງໆ ຫຼື ຈະເປັນການເປຍແລ້ວຂົດເປຍໃຫ້ເປັນຮູບ ວົງມົນກໍ່ຈະເປັນການຮັກສາຜົມອີກວິທີໜຶ່ງທີ່ຈະບໍ່ເຮັດໃຫ້ຜົມເສຍ ຫາຍໃນເວລາອອກກຳລັງກາຍ ເມື່ອອອກກຳລັງສຳເລັດກໍປ່ອຍ ລົງແລ້ວໄດໃຫ້ຜົມເງົາງາມຄືປົກ ກະຕິໄດ້.
- ເກັບຜົມໜ້າມ້າ: ການເກັບ ຜົມໜ້າມ້າກໍ່ພຽງເສີຍຜົມຂຶ້ນໄປ ແລ້ວໜີບກິບເອົາໄວ້ ວິທີນີ້ຈະ ຊ່ວຍປ້ອງກັນສິວທີ່ເກີດຈາກເຫື່ອ ທີ່ໄຫຼອອກມາເທິງໜ້າຝາກຂອງ ເຮົາໄດ້.
- ປັດສະຈາກເຄື່ອງສຳອາງ: ເພາະເຄື່ອງສຳອາງເປັນຕົວການທີ່ເຮັດໃຫ້ຜິວຂອງເຮົາບໍ່ໄດ້ຫາຍ ໃຈໃນລະຫວ່າງອອກກຳລັງກາຍ ແລະນີ້ກໍເປັນສາເຫດທີ່ສົ່ງຜົນໃຫ້ເກີດການອຸດຕັນຂອງຮູຂຸມຂົນໄດ້ແຕ່ຖ້າຈຳເປັນແທ້ໆທີ່ຈະຕ້ອງແຕ່ງໜ້າກໍໃຫ້ແຕ່ງບາງໆ ແລະປັດສະຈາກການໃຊ້ຮອງພື້ນຈະດີທີ່ສຸດ.
ຂໍ້ມູນຈາກ: ເສດຖະກິດ- ສັງຄົມ