ກອງທຶນການເງິນລະຫວ່າງປະເທດ (ໄອເອັມເອຟ) ເຕືອນວ່າ ເສດຖະກິດຈີນ ແລະ ຍີ່ປຸ່ນ ຈະຂະຫຍາຍຕົວຊ້າລົງໃນປີນີ້ ແລະ ປີໜ້າ ແຕ່ອາຊີຈະຍັງເຕີບໂຕແຂງແກ່ນເນື່ອງຈາກການບໍລິໂພກໃນປະເທດຊ່ວຍຊົດເຊີຍການຄ້າໂລກທີ່ງຽບເຫງົາ.

ໄອເອັມເອຟຄາດການໃນລາຍງານທ່າອຽງເສດຖະກິດປະຈຳພູມິພາກໃນອາຊີ ແລະ ປາຊີຟິກວ່າ ເສດຖະກິດອາຊີຈະຂະຫຍາຍຕົວ 5,3% ໃນປີນີ້ ແລະ ປີໜ້າ ຫຼຸດລົງຈາກ 5,4% ທີ່ຄາດການໄວ້ເມື່ອເດືອນຕຸລາປີກ່ອນ ເພາະຈີນຄາດວ່າຈະຂະຫຍາຍຕົວ 6,53% ແລະ 6,2% ໃນປີນີ້ ແລະປີໜ້າ ຕໍ່າກວ່າປີທີ່ຜ່ານມາໝົດປີທີ່ຂະຫຍາຍຕົວ 6,8% ຕໍ່າສຸດໃນຮອບ 25 ປີ ຂະນະທີ່ຍີ່ປຸ່ນໜ້າຈະຂະຫຍາຍຕົວ 0,5% ໃນປີນີ້ ແລະ ຫົດຕົວ 0,1% ໃນປີໜ້າ ຈາກການຂຶ້ນພາສີບໍລິໂພກ, ເງິນເຢນແຂງຄ່າ, ການຄ້າກັບຈີນຫຼຸດຜ່ອນລົງ ແລະ ບັນຫາຊໍ້າເຮື້ອເລື່ອງປະຊາກອນສູງອາຍຸ ແລະ ໜີ້ສາທາລະນະມະຫາສາດ.

ໄອເອັມເອຟລະບຸວ່າ ມາດຕະການກະຕຸ້ນເສດຖະກິດຂອງລັດຖະບານ, ລາຄາສິນຄ້າໂພກກະພັນທີ່ຫຼຸດລົງ ແລະ ອັດຕາການເງິນວ່າງງານຕໍ່າຈະຊ່ວຍຊຸກຍູ້ການຂະຫາຍຕົວຂອງພູມິພາກນີ້ ອາຊີຍັງມີການເຄື່ອນໄຫວຫຼາຍທີ່ສຸດໃນໂລກແຕ່ສ່ຽງໄດ້ຮັບຜົນກະທົບໜັກຈາກການຟື້ນຕົວຂອງເສດຖະກິດໂລກ ແລະ ການຄ້າໂລກທີ່ງຽບເຫງົາ ຕະຫຼາດເລິນໂລກບໍ່ປົກກະຕິຫຼາຍຂຶ້ນ ແລະ ຜົນກະທົບໄລຍະສັ້ນຈາກການປັບປ່ຽນເສດຖະກິດຈີນ ດັ່ງນັ້ນ ຜູ້ກຳນົດນະໂຍບາຍຈະຕ້ອງເດີນໜ້າປະຕິຮູບໂຄງສ້າງເພື່ອເພີ່ມປະສິດທິພາບການຜະລິດ ສ້າງພື້ນທີ່ການຄັງ ແລະ ສົ່ງເສີມຄວາມຕ້ອງການບໍລິໂພກໃນປະເທດ.