​ໃນ​ວັນ​ທີ 13 ພຶດສະພາ​ນີ້, ສານ​ປະຊາຊົນ​ນະຄອນຫລວງ​ວຽງ​ຈັນ ​ໄດ້​ຕັດສິນ​ລົງ​ໂທດ​ທ້າວ ອ່ອນ​ແກ້ວ ອາຍຸ 22 ປີ ຢູ່​ບ້ານ​ໜອງ​ພະຍາ ​ເມືອງ​ໄຊ​ທານີ ນະຄອນ ຫລວງ​ວຽງ​ຈັນ ​ແລະ ທ້າວ ທອງ​ລອນ ອາຍຸ 24 ປີ ຢູ່​ບ້ານ​ໂພນ​ຄຳ ​ເມືອງ​ທຸລະຄົມ ​ແຂວງ​ວຽງ​ຈັນ ​ຈຳ​ຄຸກ​ຕະຫລອດ​ຊີວິດ ພ້ອມ​ປັບ​ໄໝ​ເງິນ​ຜູ້​ລະ 500 ລ້ານ​ກີບ ​ໃນ​ຂໍ້​ຫາ​ຄ້າຂາຍ​ຢາ​ເສບ​ຕິດ.

​ເຈົ້າໜ້າ​ທີ່​ໃຫ້​ຮູ້​ວ່າ: ພວກ​ກ່ຽວ​ຖືກ​ເຈົ້າໜ້າ​ທີ່​ກັກ​ຕົວ​ໄດ້​ໃນ​ຂະນະ​ພວມ​ເອົາ​ຢາ​ບ້າ​ໄປ​ສົ່ງ​ໃຫ້​ລູກ​ຄ້າ​ຢູ່ສະຖານີ​ໂດຍສານ​ສາຍ​ໃຕ້ ພ້ອມ​ຂອງ​ກາງ​ຢາ​ບ້າ​ຈຳ ນວນ 3 ມັດ, ສ່ວນ​ຜູ້​ທີ່​ຈະ​ໄປ​ຮັບ​ຢາ​ບ້າ​ນຳ​ພວກ​ກ່ຽວ​ສາມາດ​ເອົາ​ຕົວ​ຫລົບໜີ​ໄດ້ ​ເຊິ່ງ​ເຈົ້າໜ້າ​ທີ່​ພວມ​ເລັ່ງຕິດຕາມ​ຕົວ​ມາ​ດຳ​ເນີນ​ຄະດີ​ຕາມ​ລະບຽບ​ກົດໝາຍ​ໃຫ້​ໄດ້.

ທີ່ມາ http://laophatthananews.blogspot.com/2014/05/blog-post_4630.html